Ónerkásiptik qaýipsizdiktiń jaı-kúıi alańdatady - depýtat
2021 jylǵy 6 jeltoqsan 16:47

Ónerkásiptik qaýipsizdiktiń jaı-kúıi alańdatady - depýtat

NUR-SULTAN. QazAqparat - Ónerkásiptik qaýipsizdiktiń jaı-kúıi edáýir alańdatady. Bul týraly Májilis tóraǵasynyń orynbasary, depýtat Balaım Kesebaeva málim etti, dep habarlaıdy QazAqparat tilshisi.

«El ekonomıkasyndaǵy ónerkásiptik qaýipsizdiktiń jaı-kúıi edáýir alańdaýshylyq týǵyzyp otyr. Ónerkásiptiń neǵurlym qaýipti salalaryndaǵy jáne kóliktegi avarııalyq deńgeı joǵary bolyp qalýda. Tehnogendik tótenshe jaǵdaılar kóbinese jabdyqtardyń paıdalaný merziminiń asyp ketýine, qyzmet kórsetý men jóndeýdiń sapasyz júrgizilýine nemese ýaqtyly júrgizilmeýine baılanysty bolatyny anyq», - dedi B. Kesebaeva Májilistegi «Azamattyq qorǵaý júıesin damytý týraly» taqyrybyndaǵy Úkimet saǵatynda.

Sonymen qatar ol gıdrotehnıkalyq qurylysjaılardyń qaýipsizdigi, órt qaýipsizdigin qamtamasyz etý jaǵdaıy kúrdeli bolyp turǵanyn atap ótti.

«Óńirlerdiń dúleı apattarǵa daıyndyq deńgeıiniń jetkiliksizdigi mınıstrliktiń aýmaqtyq bólimshelerinen jáne jergilikti atqarýshy organdardan tıisti aldyn alý sharalaryn kúsheıtýdi talap etedi. Sondyqtan, búgin biz azamattyq qorǵaý júıesiniń aǵymdaǵy jaı-kúıimen jáne damý perspektıvalarymen ǵana tanysyp qoımaı, sonymen qatar qoǵamnyń jáne depýtattardyń únemi nazarynda bolatyn osy saladaǵy qazirgi problemalardy talqylaýymyz qajet», - dedi depýtat.

Budan buryn habarlanǵandaı, sońǵy tórt jylda elimizde tótenshe jaǵdaı, tabıǵı jáne tehnogendik sıpattaǵy oqıǵalar saldarynan 9 047 adam zardap shekkeni aıtyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT