+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Óndiristik jaraqat alý jaǵdaıyna kóbinese jumys berýshiler kináli – elorda kásipodaǵy

2019 jylǵy 24 qyrkúıek 17:31
Bólisińiz:
Óndiristik jaraqat alý jaǵdaıyna kóbinese jumys berýshiler kináli – elorda kásipodaǵy

NUR-SULTAN. QazAqparat – Nur-Sultan qalalyq Kásipodaq ortalyǵynyń tóraǵasy Tastanbek Esentaevtyń aıtýynsha, óndiristik oqys oqıǵalardyń saldarynan Nur-Sultanda jyl basynan beri 8 adam kóz jumǵan, dep habarlaıdy QazAqparat tilshisi.

Uqsas jańalyqtar
Qostanaı oblysynda qandaı mamandar jetispeıdi Jambyl oblysynda 30 myńnan astam adam «Eńbek» memlekettik baǵdarlamasyna qatysty Elordada «Eńbek» baǵdarlamasymen 10 myńǵa jýyq adam jumysqa ornalasty

«Jyl basynan beri Nur-Sultan qalasynda 34 óndiristik jaraqattaný jaǵdaıy tirkeldi. Olardyń 27-i kúrdeli jaraqat alýmen, 8-i ókinishke qaraı ólimmen aıaqtalǵan. Óndiristik jaraqattaný jaǵdaılaryn memlekettik eńbek ınspektorlarymen qatar, kásipodaq ókilderi de tekseredi. Ólimge alyp kelgen tótenshe jaǵdaılardy zertteý nátıjesi kórsetkendeı, kóp jaǵdaıda jaraqattaný jumys berýshiniń kinásinen bolady», - dedi Tastanbek Esentaev elordanyń baspasóz ortalyǵynda ótken baspasóz máslıhatynda.

Onyń aıtýynsha, jumys barysyn durys uıymdastyrmaý, qaýipsizdik eńbek sharttaryn qamtamasyz etpeý, eńbek sharttaryn úıretpeý jáne túsindirmeý, buzylǵan kólikter men qurylǵylardy paıdalaný, tıisti quraldarmen, kıim-keshekpen qamtamasyz etpeý sekildi kemshilikter oqys oqıǵalarǵa sebep bolyp jatady.

«Óndiristik jaraqattanýǵa jol bergen barlyq uıymdarda kásipodaqtardyń bolmaǵanyn, eńbek qaýipsizdigi men eńbekti qorǵaý boıynsha óndiristik keńestiń qurylmaǵandyǵyn atap ótken jón. Qurylys uıymdarynyń birinde qyzmetkerdiń mindetti saqtandyrý shartynyń merzimi ótip ketken. Ár jaǵdaıǵa qatysty materıaldar QR zańnamasyna sáıkes, tıisti sharalardy qoldaný úshin ókiletti organdarǵa jiberildi», - dedi Tastanbek Esentaev.

Eske sala ketsek, atalmysh jıynda Nur-Sultan qalalyq orta sapasy jáne baqylaý basqarmasynyń bólim basshysy Murat Shákenov Nur-Sultanda eńbek ınspektorlary óreskel zańbuzýshylyqqa jol bergen 8 qurylys nysanynyń jumysyn toqtatqanyn habarlaǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT