FÝTBOLDAN ÁLEM ChEMPIONATY-2022
  Jańalyqtar  >

Óndiristi kúsheıtý men ekologııany qorǵaý arasynda tepe-teńdikti saqtaý kerek - Toqaev

2022 jylǵy 5 qazan, 16:36
Óndiristi kúsheıtý men ekologııany qorǵaý arasynda tepe-teńdikti saqtaý kerek - Toqaev

ASTANA. QazAqparat – Memleket basshysy Qasym-Jomart Toqaev Pavlodar oblysy jurtshylyǵymen kezdesýinde óńirdegi ónidiris pen ekologııalyq máseleler týraly aıtty, dep habarlaıdy QazAqparat tilshisi.

«El ishindegi qundylyqty jáne eksportqa baǵdarlanǵan óndiristerdi damytý baǵdarlamasy jumys istep tur. «Ónerkásiptik saıasat týraly» Zań qabyldandy, ol otandyq óńdeý kásiporyndaryn qoljetimdi baǵamen jáne jetkilikti kólemde shıkizatpen qamtamasyz etýge arnalǵan. Ekonomıkany ártaraptandyrý, shyǵarylatyn taýarlar nomenklatýrasyn keńeıtý – barlyq óńirler úshin basym mindet. Men byltyrǵy Joldaýda maqsatty kórsetkishterdi belgiledim. Óńdeý ónerkásibiniń eksportyn 2025 jylǵa deıin 1,5 esege, al eńbek ónimdiligin 30%-ǵa arttyrý qajet», - dedi Qasym-Jomart Toqaev.

Óz sózinde Prezıdent ónerkásiptiń damýy ekologııaǵa salmaq túsiretinin atap ótti. Eldegi shyǵaryndylardyń úshten biri – jyl saıyn 700 myń tonnaǵa jýyq shyǵaryndy Pavlodar oblysyna keledi.

«Kúndelikti jumysy tutas eldiń ındýstrıaldy ósýiniń negizi bolatyn aımaq turǵyndary týǵan ólkesiniń qorshaǵan ortasynyń jaı-kúıine qatty alańdaıdy. Ekologııalyq jaǵdaı – azamattardyń ómir súrý sapasynyń mańyzdy kórsetkishi. Sondyqtan, óndiristik áleýetti kúsheıtý men ekologııany qorǵaý arasyndaǵy tepe-teńdikti saqtaý óte mańyzdy. Esterińizge sala keteıik, Qazaqstan 2060 jylǵa qaraı kómirtegi beıtaraptyǵyna qol jetkizýge nıetti», - dedi Prezıdent.

Aıta keteıik, búgin Memleket basshysy Pavlodar oblysyna jumys saparymen bardy.

Buǵan deıin Qasym-Jomart Toqaev Pavlodar-Ertis óńirine Qazaqstannyń ekonomıkalyq progresinde erekshe ról beriletinin aıtqan edi.


Uqsas jańalyqtar
Seriktester jańalyqtary

Jańalyqtar