+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Óndiristi bir sátke toqtatýǵa bolmaıdy – Almatydaǵy medıtsınalyq buıym shyǵaratyn kompanııa

2020 jylǵy 7 shilde 17:23
Bólisińiz:
Óndiristi bir sátke toqtatýǵa bolmaıdy – Almatydaǵy medıtsınalyq buıym shyǵaratyn kompanııa

ALMATY. QazAqparat – Almatyda pandemııa kezinde medıtsınalyq buıym shyǵaratyn zaýyttarǵa aýyr júkteme berildi. Qazir ár óndirýshi tabys emes, tek qajettilikke jumys istep jatqan jaıy bar.

Búgin Almatyda ornalasqan «Juldyz Kenan Co Ltd.» JShS jumysy týraly bildik. Bul otandyq óndirýshi naryqta 28 jyl boıy jumys istep keledi.

Munda medıtsınalyq quraldar, apparaty men jabdyqtar, ıngalıator, kateter, zond, shpatel taǵy da basqa quraldar jasalady.

«Bizdiń naryqta jumys istep kele jatqanymyzǵa 28 jyl boldy. Kóbinese ónimderimiz reanımatsııa, hırýrgııa, perzenthanalarǵa kerek. Biz 10 jylǵa Úkimettiń óndiristi qoldaý týraly baǵdarlamasy boıynsha kelisimshartqa otyrǵanbyz. Sonymen qatar «Damý» qory arqyly nesıemizdiń 7 paıyzyn óteýge demeýqarjy bólingen. «SK Farmatsııa» kelisimi boıynsha 1,5 aıda óńirlerge medıtsınalyq jabdyq jetkizip turamyz. «SK Farmatsııaǵa» arnalǵan 51 ataýly ónim shyǵaramyz. Biz shyǵaryp jatqan ónimniń shıkizatynyń 70-80 paıyzy óz jerimizde alynady. Al 20 paıyzy shetelden keletin polıvınılhlorıd degen shıkizat. Ol bizde shyǵarylmaıdy. Qytaı, Italııa, Germanııa, Polshadan alamyz», - dedi JShS dırektory Baǵlan Baqqulova.

Onyń aıtýynsha, qazir shetelden shıkizat jetkizýge qıyndyq joq.

«Zaýyttarymyz halyqaralyq sertıfıkat boıynsha shıkizat óndirisin aýdıtten ótkizgen. Olarmen kóp jylǵa degen qarym qatynas kelisimsharty bar. Jylyna 2-3 ret bizge shıkizat jiberip turady»,- dedi bas dırektor.

Qazir zaýytta 40 adam jumys isteıdi. Qoǵamdyq kólik toqtaǵanǵa deıin jumyskerler tańǵy 8:00-den keshki 19:00 deıin jumys istep kelgen.

«Naýryz, sáýirde karantın kúsheıtilgen ýaqytta biz óndiristi jappaý úshin jumyskerlerimizge páter, qonaq úı jaldap, senbi-jeksenbi kúnderi 2 aýysym qoıyp otyrdyq. Barlyq qyzmetkerlerimizdiń jaǵdaıyn jeke-jeke bilip otyrdyq. Biz memlekettik tapsyrys aıasynda moınymyzǵa alǵan mindettemelerimizdi tolyq óteımiz», - dedi Baǵlan Baqqulova.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT