Ońaıgúl Turjan: Osyndaı qıyn kezeńde sabyr saqtaýymyz kerek

NUR-SULTAN. QazAqparat – Búgin pandemııa qurbandaryn eske alatyn kún – Jalpyulttyq aza tutý kúni. Osy rette men eldi sabyrǵa shaqyrǵandy jón kórip otyrmyn, deıdi aqyn, fılologııa ǵylymdarynyń kandıdaty Ońaıgúl Turjan QazAqparat tilshisine bergen suhbatynda.

Uqsas jańalyqtar

Jambyl oblysyndaǵy 222 mektep oqýshylardy qashyqtan oqytýda

Brazılııada Covid-19 patsıentterine ottegi jetispeı jatyr Aqmola óńirinde oblys, qalaaralyq avtobýstardyń qozǵalysyna tyıym salyndy «Qyzyl aımaq»: Qostanaıda karantın sharalary qaıta kúsheıdi

«Qazir úıde koronavırýs ınfektsııasymen syrqattanyp jatqan adam bolsa - úreılene qaramaý kerek. Ondaı kózqaras naýqas adamnyń túbine jetedi. Qazir tarıhqa qarap otyrsaq, qaı ǵasyrda da osyndaı indet bolǵan eken. Osyndaı kezde halyq ózin qalaı ustaǵan ? Halyqtyń boıyn úreı bılegeni sonshalyq, olar tipti aýyryp jatqan sábılerin tastap qashqan. Biraq indet olardyń ózderin qutqarmaǵan. Bul bar qazaqty oılandyratyn jaǵdaı», - deıdi aqyn, fılologııa ǵylymdarynyń kandıdaty Ońaıgúl Turjan.

Ol koronavırýs indetiniń búkil álemge jaıylǵany týraly aıtty.

«Bul indet bizge de keldi, mine. Eń aldymen, Allanyń bizdiń boıymyzǵa bergen qaısarlyq degen qasıetin oıatýǵa týra keledi. Osy qasıet birinshi kezekke shyǵýy kerek. Qazir úıde syrqattanyp jatqan adam bolsa - úreılene qaramaý kerek. Ondaı kózqaras naýqas adamnyń túbine jetedi. Bala-shaǵanyń kózinshe adamdardyń qaıtys bolǵany týraly múldem aıtpaý kerek. Bul da - mańyzdy. Óıtkeni balanyń úreıi búkil otbasyna jaıylady», - deıdi ol.

Onyń aıtýynsha, mundaı jaǵdaıda bir-birimizge qamqor bolyp, kómektesip, dertti qaısarlyqpen jeńip shyǵý kerek.

«Qazaq halqy qaıtys bolyp ketken adamnyń artynan qaıyryn bersin dep suraıdy. Bizde ata-babalarymyzdan kele jatqan «sabyrlyq» degen qasıet bar. Sony saqtap qalý kerek. Birin biri qoldaǵan kezde ǵana rýhanı jeńildik bolady. Prezıdent jaýapty mekemelerge úlken tapsyrmalar júktedi. Osyndaı qaraly kún endi bolmaı-aq qoısyn. Osymen bitse eken. Aman bolaıyq. Halqymyzdyń tilegi qabyl bolsyn!», - deıdi ol.