Omyrtqasy zaqymdanǵan sportshylar arasynda ústel tennısinen el chempıonaty ótip jatyr
2022 jylǵy 6 shilde 13:01

Omyrtqasy zaqymdanǵan sportshylar arasynda ústel tennısinen el chempıonaty ótip jatyr

ORAL. QazAqparat – Oral qalasynda ústel tennısinen tirek-qımyl qozǵalys apparaty zaqymdanǵan sportshylar arasynda Qazaqstan chempıonaty ótip jatyr, dep habarlaıdy QazAqparat tilshisi.

BQO múmkindigi shekteýli adamdarǵa arnalǵan sport klýbynyń dırektory Áskerbek Nurmuhanov málim etkenindeı, jekeleı synda el birinshiliginiń jeńimpazdary anyqtaldy.

Erler arasynda klastar boıynsha myna sportshylar chempıon atandy: 1 klass – Amankeldi Rashqalıev, 2 klass – Mádı Imakov, 3 klass – Erlan Qazıev (bári de Atyraý), 4 klass – Vladımır Kaplıch (Pavlodar), 5 klass – Meıirbek Ótepov (Aqtaý), 6 klass – Evgenıı Bykov (Qaraǵandy), 7 klass – Azamat Orazbek (Jetisý), 8 klass – Álı Maqulbekov (Atyraý), 9 klass – Talǵat Árekeev (Pavlodar), 10 klass – Aıdyn Aldabergen (Aqtóbe).

Áıelder arasynda jeńis tuǵyryna kóterilgender: 1 klass – Ekaterına Fedorenko (ShQO), 2 klass – Galııa Bespalaıa (Pavlodar), 3 klass – Natalıa Kýrdıýkova (Aqmola), 4-5 klass – Anastasııa Stepanova (Nur-Sultan), 6-7 klass – Flora Em (Jambyl), 8 klass – Balzııa Tash (Nur-Sultan), 9 klass – Eldana Badýova (Jetisý), 10 klass – Altynaı Erjanqyzy (Nur-Sultan).

Batys Qazaqstan oblysynan Janbol Ǵalıev, Gúlmıra Batpaqulova jáne Gúlmıra Janǵalıeva úzdik úshtikke ilikti.

«Sportshylar aýrý túrlerine baılanysty klastarǵa bólinedi. Mysaly, qoly joqtar ózara bólek synǵa túsedi. Aıaǵy joqtar bólek saıysady. Qazirgi kezde komandalyq birinshilik ótip jatyr. 8 shildede máresine jetetin el chempıonatyna elimizdiń 15 óńiri men qalasynan kelgen 114 sportshy qatynasady», - dedi QazAqparat tilshisine Á. Nurmuhanov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT