+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Ómirzaq Shókeev túrkistandyqtar aldynda esep berýde

2020 jylǵy 14 aqpan 11:10
Bólisińiz:
Ómirzaq Shókeev túrkistandyqtar aldynda esep berýde

TÚRKІSTAN. QazAqparat – Túrkistan oblysynda aımaq basshysy Ómirzaq Shókeevtiń halyqqa esep berý jıyny bastaldy. Óńir basshysy ótken jyly atqarǵan jumystardy baıandap, aldaǵy josparlarymen bólisýde, dep habarlaıdy QazAqparat tilshisi.

Uqsas jańalyqtar
Túrkistanda jańa aýyzsý júıesi iske qosylady

El aldynda esep bergen Ómirzaq Shókeevtiń aıtýynsha, oblysty damytý boıynsha turǵyndardyń áleýmettik jaǵdaıyn jaqsartý jáne ekonomıka men bızneske qolaıly jaǵdaı jasaý mindetteri qoıylyp otyr. Óńir basshysy damýdyń túrli salalary boıynsha kórsetkishterge toqtaldy.

«Túrkistan oblysy qaıta qurylǵaly beri aımaqtyń 2019 jylǵy áleýmettik-ekonomıkalyq damýynda oń dınamıka qalyptasty. 2019 jyly oblys bıýdjeti 561 mlrd teńgeden, jyl sońyna deıin 778 mlrd teńgege jetken. Bul bıýdjettiń 217 mlrd teńgege nemese 38% óskenin kórsetedi. Birqatar salalar boıynsha respýblıkada kóshbasshylar qatarynan kórindik. Jalpy, 2019 jyl – óńir úshin jetistikke toly jyl boldy», - dedi oblys ákimi.

Aımaq basshysynyń sózinshe, jyl qorytyndysymen turǵyndar tarapynan oblys ákimdigine jer, áleýmettik máseleler, turǵyn úı-kommýnaldyq sharýashylyǵy jáne taǵy basqa salalarǵa qatysty jalpy 4 134 ótinish kelip túsken. Atalǵan máselerdi sheshý úshin tıisti basqarma basshylary men aýdan, qala ákimderine tapsyrma berilgen.

Aıta keteıik, oblys ákiminiń orynbasarlary 809 azamatty jeke qabyldap, máselelerin sheshýge atsalysqan. Ómirzaq Shókeev aýdan ákimderiniń esep berý jıynyna arnaıy qatysyp, aýdan turǵyndaryn alańdatyp otyrǵan ózekti máselelerdi sheshý joldaryn birge talqylady. Bul sharalar bılik pen qoǵam arasynda turaqty dıalogty ornatý, ótinishterdi sapaly qaraý men, múmkindiginshe sheshimin tabý jáne halyqtyń muń-muqtajyn tyńdap, tıisti kómek berý maqsatynda uıymdastyrylǵan bolatyn.

Jalpy, búgingi qorytyndy jıynǵa 700-ge jýyq oblys turǵyny qatysýda. Eseptik kezdesý Túrkistan oblysy ákimdiginiń resmı saıtynda jáne Facebook-paraqshasynda onlaın-rejımde kórsetilýde. Budan ózge, búgingi esepti kórý múmkindigin qarastyrý maqsatynda oblys ortalyǵynan shalǵaı jatqan aýdan turǵyndaryna usynys-pikirler bildirý úshin jáne suraqtar qoıýǵa barlyq aýdan, qalalar ınteraktıvti onlaın-rejımde qosylǵan. Kezdesý ótkizilip otyrǵan ǵımarattyń birinshi qabatynda arnaıy jáshikter qoıylǵan. Bul tikeleı suraq qoıý múmkindigi bolmaǵan turǵyndardyń ótinish-shaǵymdaryn salýǵa qolaıly. Budan bólek, salalyq basqarma basshylary da halyqty qabyldaýda.


Bizdiń kanalymyzǵa jazylyńyz:

Basty sózder: Túrkistan oblysy, Ákim, Aımaq,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT