+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Ómirzaq Shókeev koronavırýsqa qarsy kúreske daıyndyq jumystaryn pysyqtady

2020 jylǵy 26 naýryz 17:14
Bólisińiz:
Ómirzaq Shókeev koronavırýsqa qarsy kúreske daıyndyq jumystaryn pysyqtady

TÚRKІSTAN. QazAqparat – Túrkistan oblysynda COVID-19 vırýsyn juqtyrǵan naýqastar anyqtalǵan jaǵdaıda ınfektsııanyń taralýyn boldyrmaý úshin qaýipti oshaqtar qorshaýǵa alynady. Bul týraly oblys ákimi Ómirzaq Shókeev aýdandardyń dertke qarsy kúrestegi daıyndyq jumystaryn pysyqtaýǵa arnalǵan aptalyq lezdeme otyrysynda atap ótti, dep habarlaıdy QazAqparat tilshisi.

Uqsas jańalyqtar
Koronavırýs: Taraz «sary aımaqqa» endi Qazaqstanda 25 myńnan astam adam koronavırýstan emdelip jatyr Koronavırýs pnevmonııasynan 3 adam qaıtys boldy

Aımaq basshysy jıynda ár aýdan basshysyna 100 adamdyq oqshaýlaý oryndaryn daıyndaýdy júktedi. Koronavırýstyq ınfektsııanyń taralýyna tosqaýyl qoıý sharalaryn kúsheıtip, barynsha saqtyq sharalaryn qolǵa alýdy tapsyrdy.

«Kez kelgen jaǵdaıǵa tas-túıin daıyn turý kerek. Árbir azamatymyzdyń amandyǵyn oılaı otyryp, zor jaýapkershilik tanytyp, daıyndyq jumystaryna tyńǵylyqty jáne muqııat qaraý kerek. Dertke qarsy kúres úshin qajetti barlyq jaǵdaı jan-jaqty jasalýy tıis», – dedi Ómirzaq Shókeev.


Jıynda, sondaı-aq, óńirde qaýipti keselge uqsas klınıkasy bar azamattardyń dıagnozdaryn anyqtaý maqsatynda 240 tósek-orynǵa provızorlyq gospıtaldar qarastyrylǵany aıtyldy. Sala mamandarynyń sózinshe, barlyq aýdandar men qalalardaǵy ınfektsııalyq aýrýlar bólimderi daıyndyq jaǵdaıyna keltirilgen. Qarym-qatynasta bolǵandardy oqshaýlaý úshin oblys aýmaǵyna 505 tósek-orynǵa observatsııalyq ortalyqtar ashylǵan. Onda 300-den astam medıtsına salasynyń qyzmetkerleri qyzmet kórsetedi.


Oqshaýlaý oryndarynda ókpeni jasandy jeldetý medıtsınalyq qural-jabdyqtarynyń sanyn arttyryp, qajetti dári-dármek qorymen tolyq qamtylǵan. Blok-beketterde medıtsınalyq qyzmetkerler qajetti qural-jabdyqtarmen qamtamasyz etilip, qosymsha tapsyrystar berilgen. Barlyq medıtsınalyq uıymdardaǵy medıtsınalyq qyzmetkerler koronavırýstyń klınıkasy, emdeý jáne dıagnostıkalaý boıynsha turaqty túrde daıyndyq sharalarynan ótýde.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT