+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Ómirzaq Shókeev koronavırýs juqtyrǵan jigitpen birge kelgen  jolaýshylardy  anyqtaǵan polıtseılerdiń jumystaryna baǵa berdi

2020 jylǵy 26 naýryz 19:41
Bólisińiz:
Ómirzaq Shókeev koronavırýs juqtyrǵan jigitpen birge kelgen  jolaýshylardy  anyqtaǵan polıtseılerdiń jumystaryna baǵa berdi

TÚRKІSTAN. QazAqparat – Túrkistan oblysynyń ákimi Ómirzaq Shókeev elimizdegi tótenshe jaǵdaı rejıminiń saqtalýyn qamtamasyz etýde úzdiksiz qyzmet etetin ishki ister organdary qyzmetkerleriniń jumysyna oń baǵa berdi. Aımaq basshysy Nur-Sultan qalasynan shyqqan jolaýshylar avtobýsyndaǵy koronavırýs juqtyrǵan azamatpen birge kelgen 50 adamdy shuǵyl túrde anyqtap, qaýiptiń aldyn alǵan polıtsııa salasy ókilderiniń qyraǵylyǵyn atap ótti, dep habarlaıdy QazAqparat tilshisi.

Uqsas jańalyqtar
Eljan Birtanov koronavırýstan aıyqqan naýqastar qalaı emdelgenin aıtty Koronavırýstan kóz jumǵan áıelge qatysty tekserý júrgizilip, bas dáriger jazalandy Elimizde jasandy ventılıatsııa apparaty jetkilikti me

Júıeli jumystyń nátıjesinde barlyq jolaýshylar oqshaýlanyp, tıisti medıtsınalyq tekserýden ótýde. Karantınge jatqyzylǵan avtobýs júrgizýshisi jolaýshylardy tasymaldaý qaǵıdalaryn buzǵany úshin ákimshilik jaýapqa tartylatyn boldy. Qaýipti derttiń aldyn alýǵa arnalǵan jınalysta n oblystyq ІІD basshysy Qaırat Dálbekov baıandama jasap, bul baǵytta atqarylyp jatqan jumystardy tarqatyp aıtyp ótti.


Onyń sózinshe, qaýip tóndirgen qalaaralyq avtobýstyń júrgizýshisinde jolaýshylar týraly aqparat múldem bolmaǵan. Túrkistan oblysy Túlkibas aýdanyndaǵy «Shaqpaq» baqylaý beketinen ótken kezde blok-post qyzmetkerleri jolaýshylardyń jeke basyna qatysty málimetterin jazyp alǵan.

Aıta keteıik, búginde óńirde pandemııanyń aldyn alý maqsatynda oblys ákimi Ómirzaq Shókeev keshendi qaýipsizdik sharalaryn qabyldaǵany belgili. Saqtyq maqsatynda Túrkistan oblysynyń shekaralyq jerlerine 35 blok-post qoıyldy. Olar eldimekenderde, temirjol vokzaly men stantsııalarda ornalasqan.

Otyrys barysynda oblys ákimi Ómirzaq Shókeev barlyq baqylaý beketterinde «Sergek» kameralaryn ornatýdy mindettedi. Basqosýda sonymen qatar «Jibek joly» keden beketiniń aldynda shoǵyrlanǵan shetel azamattarynyń taǵdyry jaıly da aıtyldy. Olar birneshe kún boıy barlyq arnaıy ashylǵan lagerge ornalastyrylyp, jaǵdaılar jasalǵan. Qaýipsizdik sharalary qamtamasyz etilip, 1777 azamat Ózbekstan Respýblıkasyna ótkizildi. Taǵy júzden astamy otandaryna oralýdy kútip otyr.


Eske salaıyq, jyl basynan beri koronovırýsqa qatysty Polıtsııa departamentimen QR Qylmystyq kodeksiniń 274 babymen, kórineý jalǵan aqparat taratý derekteri boıynsha 7 qylmystyq is qozǵalǵan. Olar: Kentaý Túrkistan qalalary, Maqtaral, Shardara, Keles, Jetisaı aýdandarynda oryn alǵan. Al, oblys aýmaǵynda turǵyndarǵa toı-tomalaq ótkizgen jaǵdaıda qatań jaýapkershilikke tartylatyn eskertildi. Tótenshe jaǵdaı rejıminde Departamentke júktelgen mindetter qatań baqylaýǵa alynyp, tıisti barlyq is-sharalar atqarylýda.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT