+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Ómirzaq Shókeev aýdan ákimderi men polıtseılerge mal urlyǵyna tosqaýyl qoıýdy tapsyrdy

2020 jylǵy 4 jeltoqsan 03:24
Bólisińiz:
Ómirzaq Shókeev aýdan ákimderi men polıtseılerge mal urlyǵyna tosqaýyl qoıýdy tapsyrdy

TÚRKІSTAN. QazAqparat – Túrkistan oblysy bótenniń múlkin urlaý qylmystarynyń ashylýy boıynsha elimizde aldyńǵy oryndarǵa turaqtaǵan. Bul týraly oblys ákimdigi janyndaǵy quqyq buzý profılaktıkasy jónindegi vedomstvoaralyq komıssııasy otyrysynda aıtyldy, dep habarlaıdy QazAqparat tilishisi.

Uqsas jańalyqtar

Polıtseılerdiń málimetinshe, aýyr dárejeli mal urlyǵy qylmystarynyń ashylýy sońǵy ýaqytta 76,9%-ǵa jaqsarǵan.

Oblys ákimi Ómirzaq Shókeevtiń tóraǵalyǵymen ótken otyrysta jol kólik oqıǵalarynyń profılaktıkasy, onyń ishinde adam ólimine alyp kelgen oqıǵalardyń aldyn alý men menshikke qarsy qylmystyq quqyq buzýshylyqtardyń profılaktıkasy máseleleri sóz boldy.

«Túrkistan – qaýipsiz qala» baǵdarlamasynyń iske asyrylý barysy men kámelet jasyna tolmaǵandarmen jáne olarǵa qatysty jasalatyn qylmystardyń, kóshi-qon salasyndaǵy quqyq buzýshylyqtardyń aldyn alý sekildi ózekti máseleleri qaraldy.

Oblystyq polıtsııa departamenti basshylyǵynyń aıtýynsha, Qylmystyq kodekske engizilgen ózgeristerge sáıkes, urlyqtyń birneshe ret jasalýy ony aýyr dárejeli qylmys sanatyna jatqyzady.

Bul óz kezeginde urlyq jasaǵan tulǵalardyń taraptardyń tatýlasýymen qylmystyq jaýapkershilikten bosatylý múmkindigine kedergi keltirip otyr.

Sonymen qatar, Qylmystyq kodekske «Mal urlyǵy» baby bólek engizilgen. Nátıjesinde jalpy bótenniń múlkin urlaý qylmystary eke ese azaıǵan.

Oblys ákimi Ómirzaq Shókeev mal urlyǵyna tosqaýyl qoıýda aýdan, aýyl ákimderi men polıtsııanyń birigýin tapsyrdy.

«Aýdan degen alaqandaı jerde qalaı mal urlanǵanyn eshkim bilmeıdi? Bári bir-birin biledi. Kim beıim ekenin biledi. Kimniń maly urlanatynyn biledi. Ondaıǵa shara qoldaný kerek, toqtatý kerek. Barlyq aýdan, aýyl ákimderi men polıtsııa birigip, tez arada qolǵa alyńyzdar. Jalpy mal urlyǵyn boldyrmaý kerek», - dedi oblys ákimi.

Vedomstvoaralyq komıssııa májilisinde mal urlyǵynyń jasalý tizbegi boıynsha jumysty kúsheıtip, mal bazarlaryndaǵy talapty qataıtý júkteldi.

Saraptamaǵa sáıkes, mal urlyǵynyń 61,7% jaıylymda bolǵan. Osyǵan oraı óńirde «mal ıesi - jergilikti atqarýshy organ - baqtashy» úshjaqty kelisimsharty jasalýda.

Sonymen qatar, otyrysta oblys aýmaǵynda jalpy qaraýsyz jáne tabylǵan maldardy ustaýǵa arnalǵan oryndardyń jetkiliksizdigi máselesi kóterildi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT