+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Ómirzaq Shókeev: 1 qarashaǵa deıin Arystaǵy barlyq jumys aıaqtalady

2019 jylǵy 23 qazan 13:54
Bólisińiz:
Ómirzaq Shókeev: 1 qarashaǵa deıin Arystaǵy barlyq jumys aıaqtalady

NUR-SULTAN - TÚRKІSTAN. QazAqparat – Túrkistan oblysynyń ákimi Ómirzaq Shókeev Arys qalasyndaǵy qalpyna keltirý jumystary men qalanyń búgingi tirshiligi týraly aıtyp berdi, dep habarlaıdy QazAqparat tilshisi.

Uqsas jańalyqtar
Arys qalasynda jaramsyz dep tanylǵan 402 úıdiń qurylysy tolyq aıaqtaldy Arystyqtar qala kúnin atap ótti Túrkistanda Arystaǵy qurylys, jol, káriz júıesin jańartý máselesi  talqylandy

«Arysty qalpyna keltirý týraly aıtsaq, az ýaqyt ishinde qanshama jumys atqaryldy. Mundaı qıraýdan keıin qaıta qalpyna keltirýge jarty, keıde bir jyl ýaqyt ketedi. Oqıǵa 24 maýsym kúni boldy, ýaqytynda shuǵyl sharalar qabyldandy. Qalany sektor boıynsha jóndeý týraly sheshim qabyldandy. Biz qurylysshylarǵa qalany 2-3 aıdyń ishinde qalpyna keltirýdi tapsyrdyq. Qıraǵan úılerdi qaıta turǵyzý ońaı jumys emes, degenmen 2 aıdyń ishinde úılerdiń 90 paıyzy daıyn boldy. Qazirgi ýaqytta qıraǵan jeke jáne kópqabatty úılerdiń qurylysyna qatysty jumystar júrip jatyr. Jumys baqylaýda jáne 1 qarashaǵa deıin bitýi tıis», - dedi Ó.Shókeev Ortalyq kommýnıkatsııalar qyzmetinde ótken baspasóz máslıhatynda.

Onyń sózinshe, qıraǵan úılerdi qalpyna keltirý jumystaryn Arys turǵyndarynyń ózderi aıaqtaı alady.

«Turǵyndar «asyqtyrmańyzdar, bizge sapaly bolǵany mańyzdy» dep otyr. Sondyqtan Arysta búgingi kúni problema joq dep oılaımyz. Sýyq túskenshe barlyq turǵyn óz úıine kiretinine senimdimiz», - dedi ol.

Odan bólek, oblys basshysy Arystaǵy jaǵdaıdy jeke basynyń qamy úshin paıdalanǵysy kelgen jandar týraly aıtty.

«Oqys oqıǵany utymdy paıdalanǵysy kelgen túrli nıetti adamdar boldy. Bul jerde úıdiń jaǵdaıyna qatysty baǵany ákim emes, mınıstr emes, arnaıy ınstıtýt mamandary berdi. ıAǵnı úıdi qıratý kerek pe, álde qaıta qalpyna keltirý qajet pe - ony mamandar sheshedi. Degenmen sotqa júgingender de, jańa úı úshin talasqa túskender de, óz úıin ádeıi buzǵan adamdar da boldy. Osy sekildi 100-ge jýyq adammen arnaıy jumys júrgizildi. Qazirgi tańda qalada jaǵdaı birqalypty. Qala ózgergen jáne eń bastysy barlyq áleýmettik nysandar (mektep, aýrýhana, mádenıet keshenderi) jańalanyp, jumysyn jalǵastyrýda. Osy oraıda eń aldymen arystyqtarǵa jáne qalany qalpyna keltirýge úles qosqan barlyq azamattarǵa alǵys aıtamyz», - dedi Ó.Shókeev.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT