«Omıkron» shtamy óte qaýipti, ony tek revaktsınatsııa alǵandar ǵana jeńil ótkeredi - maman
2022 jylǵy 25 qańtar 15:19

«Omıkron» shtamy óte qaýipti, ony tek revaktsınatsııa alǵandar ǵana jeńil ótkeredi - maman

NUR-SULTAN. QazAqparat – Mamandardyń aıtýynsha, koronavırýs indetin jeńýdiń basty quraly oǵan qarsy vaktsına alý jáne saqtyq sharalaryn ustaný.

Osy oraıda elimizde vaktsına jáne revaktsınatsııa protsesi qalaı júrip jatyr jáne Qazaqstanda taıaýda paıda bolǵan «omıkron» shtamynyń qaýpi qandaı ?, degen saýaldardy QR Densaýlyq saqtaý mınıstrligi sanıtarlyq-epıdemılogııalyq saraptama jáne monıtorıng ǵylymı-praktıkalyq ortalyǵy dırektorynyń orynbasary Manar Smaǵulǵa qoıǵan edik.

«Ulybrıtanııada «Omıkron» shtamy ótken jyldyń qarasha aıynyń sońy men jeltoqsannyń basynda tirkeldi. Atalǵan shtamm 3-4 aptanyń ishinde «Delta» shtamyn ysyrdy. Al bizdiń elge «omıkron» shtamy jeltoqsan aıynyń aıaǵynda keldi. ıAǵnı OAR eline qaraǵanda 8 aptaǵa, al Eýropa elderine qaraǵanda bizge 3-4 aptaǵa kesh jetti. Osylaısha «omıkron» shtamy Qazaqstanda 70-80 paıyzǵa jetedi dep boljaýǵa bolady. Qazir indetten qaza bolyp jatqandarǵa kelsek, olar «delta» shtamyn atalmysh vırýs órship turǵan kezde juqtyrǵandar bolýy múmkin», - dedi Manar Smaǵul.

Onyń aıtýynsha, Ulybrıtanııada koronavırýstyń taralý shegi qańtardyń basyna sáıkes keldi.

«Statıstıka boıynsha álemde vaktsına alǵandardyń úlesi 70 paıyzdan asyp túsedi. Jalpy karantın talaptaryn jeńildetý halyqtyń vaktsına alý jaǵdaıymen tikeleı baılanysty. ıAǵnı karantındi jeńildetýde vaktsınatsııanyń mańyzy zor. Ulybrıtanııanyń koronavırýspen kúreste «B» josparyna kóshýine revaktsınatsııanyń úlken septigi tıdi. Al Qazaqstanda revaktsına túgeli, áli vaktsına almaǵandar bar. Mysaly, 60-tan asqan egde jastaǵy adamdardyń ekpe alý qarqyny tóten. Oǵan sebep kóbinde sozylmaly aýrý bar, keıbiri dıspanserlik esepte tur jáne taǵy sol sııaqty», - deıdi ol.

Epıdemıologtyń dereginshe, búginde qazaqstandyqtardyń 35 paıyzy revaktsınatsııa jasatty. Al vaktsına alǵandardyń úlesi 76 paıyzdy quraıdy jáne bul esepke júkti jáne bala emizetin áıelder men jasóspirimder kirmeıdi. Olardyń kórsetkishi 14 paıyzdy qurap otyr.

Sondaı-aq, maman «omıkron» shtamy óte qaýipti ekenin jáne vaktsına, revaktsına alǵan adamdar atalǵan shtamǵa jeńil túrde tótep beretinin alǵa tartty.


Jańalyqtar

MURAǴAT