«Omıkron» shtamy: Qazaqstanǵa ushaqpen keletin jolaýshyny qabyldaý tártibi qatańdatyldy
2021 jylǵy 30 qarasha 20:12

«Omıkron» shtamy: Qazaqstanǵa ushaqpen keletin jolaýshyny qabyldaý tártibi qatańdatyldy

NUR-SULTAN. QazAqparat – QR Bas sanıtar dárigeri Erlan Qııasov koronavırýs ınfektsııasynyń «Omıkron» shtamy Qazaqstan aýmaǵynda taralmaýyna arnalǵan jańa qaýly jarııalandy, dep habarlaıdy QazAqparat tilshisi.

Qujatta Qazaqstan Respýblıkasyna shetelden avıareıstermen keletin adamdardy qabyldaýdyń tártibi bekitilgen. Ol tártip boıynsha Qazaqstan Respýblıkasynyń úkimettik delegatsııalarynan, ertip júretin adamnyń PTR anyqtamasy bolǵan jaǵdaıda 5 jasqa deıingi balalardan, avıakompanııalardyń ekıpajdarynan, Qazaqstan aýmaǵynda COVID-19-ǵa qarsy vaktsınalaýdyń tolyq kýrsyn alǵan azamattardan basqalardyń bári memlekettik shekarany kesip ótý sátinde merzimi 3 táýlikten aspaıtyn PTR anyqtamasyn usynýǵa mindetti.

«Bul rette COVID-19-ǵa qarsy vaktsınatsııalaýdyń tolyq kýrsynyń bar-joǵyna qaramastan Izraıl, Chehııa, Nıderland, Ulybrıtanııa, Italııa, Germanııa, Aýstralııa, Kanada, Belgııa jáne Egıpet elderinen kelgen azamattar Qazaqstan Respýblıkasynyń Memlekettik shekarasyn kesip ótken sátte merzimi 72 saǵattan aspaıtyn PTR anyqtama kórsetýge mindetti», - dep jazylǵan qaýlyda.

Al halyqaralyq tranzıtpen ótetin jolaýshylarǵa tranzıttik aımaqtan shyǵýǵa tyıym salynady.

Qaýly 3 jeltoqsanda saǵat 0.00-den bastap kúshine enedi. Qujattyń tolyq mátinin myna siltemeden oqýǵa bolady.


Uqsas jańalyqtar

Jańalyqtar

Úrdis

MURAǴAT