«Omıkron» shtamy: Altaı Kólginov elordaǵa qosymsha shekteý engizbeý úshin ne isteý kerektigin aıtty
2021 jylǵy 3 jeltoqsan 14:44

«Omıkron» shtamy: Altaı Kólginov elordaǵa qosymsha shekteý engizbeý úshin ne isteý kerektigin aıtty

NUR-SULTAN. QazAqparat – Nur-Sultan qalasynyń ákimi Altaı Kólginov ortalyq kommýnıkatsııalar qyzmetinde ótken brıfıngide pandemııaǵa qosymsha karantın shekteýlerin engizbeý úshin ne isteý kerektigin aıtty, QazAqparat tilshisi.

«Qaladaǵy epıdahýalǵa qatysty aıtsam, biz jaz aılarynda «qyzyl» aımaqta boldyq. 1600- den astam naýqas kúndelikti anyqtalyp otyrdy. Qazirgi ýaqytta jaǵdaı birshama jaqsaryp, kúnine 120-130 adam aıasynda tirkelýde. Qazir «sary» aımaqtamyz. Buǵan septigin tıgizgen, bizdiń oıymyzsha, ujymdyq ımmýnıtettiń qalyptasýy. Sebebi qazir biz 66 paıyzdan astam eresek azamttardy vaktsınalaýdan ótkizdik. Al ekinshi komponentpen josparlanǵan eresek azamattardyń 61 paıyzdan astamy ekpe aldy – 434 myń adam. Qarasha aıynda revaktsınatsııa bastaldy. Ázirge 1177 adam revaktsınatsııadan ótti», - dedi qala basshysy.

Sondaı-aq, ol álemniń iri qalalarynda «Omıkron» shtamynyń kesirinen shekteýler qaıta kúsheıip jatqanyn eske saldy.

«Sonymen birge, ózderińiz biletindeı, «Omıkron» shtamy paıda bolǵaly vırýs mýtatsııadan ótip jatyr. Halyqaralyq arenada iri qalalar men memleketterde qosymsha shekteýler ornatylyp jatyr. Osyndaı qosymsha shekteýler ornatylmas úshin sanıtarlyq normalardy qatań saqtaýymyz qajet. Sonymen birge vaktsınatsııany ári qaraı jalǵastyramyz», -dedi Altaı Kólginov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT