Omıkron: Qazaqstan shekteý sharalaryn kúsheıtedi
2021 jylǵy 30 qarasha 09:18

Omıkron: Qazaqstan shekteý sharalaryn kúsheıtedi

NUR-SULTAN. QazAqparat – Qazaqstan koronavırýs ınfektsııasynyń jańa shtamynyń paıda bolýyna oraı 3 jeltoqsannan shekteý is-sharalaryn kúsheıtedi. Bul týraly Úkimet otyrysynda QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Koronavırýstyq ınfektsııanyń «Omıkron» shtamynyń jańa nusqasynyń paıda bolýyn eskere otyryp, ony respýblıka aýmaǵyna ákelýge jol bermeý maqsatynda vedomstvoaralyq komıssııada aǵymdaǵy jylǵy 3 jeltoqsannan bastap mynadaı shekteý is-sharalaryn engizý týraly sheshim qabyldandy. Birinshi - Botsvana, Lesoto, Namıbııa, Zımbabve, Mozambık, Madagaskar, Esvatını, Malavı, Ontústik Afrıka, Tanzanııa jáne Gonkongtan shetel azamattarynyń Qazaqstanǵa kelýin shekteý», - dedi birinshi vıtse-mınıstr.

Onyń atap ótýinshe, ekinshiden, «Omıkron» nusqasynan týyndaǵan KVI jaǵdaılary anyqtalǵan Izraıl, Chehııa, Nıderlandy, Belgııa, Ulybrıtanııa, Italııa, Germanııa, Avstralııa, Kanada jáne Egıpetten keletin adamdar úshin vaktsınatsııasy bar-joǵyna qaramastan mindetti PTR testileýdiń bar bolýy engiziledi.

«Úshinshiden, «Omıkron»-nan týyndaǵan KVI jaǵdaılary anyqtalǵan elderden kelgen adamdar PTR nátıjesine qaramastan 7 kúnge úı karantınge oqshaýlanýy tıis. Osyǵan oraı, sanıtarlyq-epıdemıologııalyq komıtetiniń departamenttary, shetelden kelgen azamattar týraly aqparatty jergilikti atqarýshy organdarǵa ýaqtyly berýdi, al ákimdikter bul tulǵalardy polıklınıkalar deńgeıinde qashyqtyqtan baqylaýdy qamtamasyz etýi qajet», - dedi Marat Shoranov.


Jańalyqtar

MURAǴAT