Olımpıadashylarymyz Beıjińge attandy
2022 jylǵy 28 qańtar 00:05

Olımpıadashylarymyz Beıjińge attandy

NUR-SULTAN. QazAqparat - Sporttan Qazaqstan quramasy XXIV Qysqy Olımpıada oıyndaryna attanyp ketti, dep habarlaıdy QazAqparat tilshisi.

Keshe, ıaǵnı 27 qańtarda Qazaqstan delegatsııasy Nur-Sultan – Almaty – Beıjiń baǵyty boıynsha Qysqy Olımpıada oıyndaryna ushyp ketti.

Barlyq sportshylar men jattyqtyrýshylar ushýǵa deıin sońǵy aptalardy qatań karantın jaǵdaıynda ótkizdi.

Olar barlyq qaýipsizdik sharalaryn eskere otyryp, «Eır Astananyń» arnaıy reısimen Qytaı astanasy Beıjińge baryp qonady.

Sportshylarymyz Olımpıada qalashyǵa barǵannan keıinde karantın erejelerin saqtaı otyryp, jarysqa deıin jattyǵýlaryn jalǵastyrmaq.

Al shetelderde oqý-jattyǵý jıynda júrgen sportshylar jeke grafık boıynsha Beıjińge sol ózderi turǵan elden tóte ushyp barady.

Aıta keteıik, atalǵan Aq Olımpıadada elimizdiń namysyn 34 sportshy qorǵaıdy. Olar - qysqy sport oıyndarynyń ishinde sportttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen júldeli oryndarǵa talasady.

Olımpıada oıyndary 4 aqpan kúni bastalyp, 16 aqpanda máresine jetedi.

Aldyn ala málimet boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady.


Avtor:
Tilshi

Jańalyqtar

MURAǴAT