Olımpıadalyq irikteý: Sý dobynan Qazaqstan áıelder quramasy altynshy oryn aldy

NUR-SULTAN. QazAqparat - Italııanyń Trıest qalasynda sý dobynan Tokıo Olımpıadasy irikteý týrnırinde Qazaqstan áıelder quramasy altynshy oryn aldy, dep habarlaıdy QazAqparat tilshisi.

Qazaqstandyq qurama búgin 5-oryn úshin kezdesýde Frantsııamen kezdesti. Oıyn barysy tartysty órbidi. Alǵashqy kezeńde frantsýz qyzdary 3:1 esebimen basym tússe, kelesi kezeńde oıyn 3:3 esebimen teń aıaqtaldy. Al úshinshi kezeńde qazaqstandyqtar 4:3 esebimen jeńdi. Sheshýshi sońǵy kezeńde qarsylas qurama 3:2 esebimen taǵy da basym boldy. Osylaısha qazaqstandyq vaterpolshy qyzdar qarsylasyna 10:12 esebimen ese jiberdi.

Atap óterligi, Qazaqstan qyzdary V tobynda synǵa tústi. Alǵashqy oıynda Grekııadan 5:13, odan keıin Vengrııadan 6:23 esebimen jeńildi. Sońǵy oıynda Izraılmen 7:7 esebimen teń oınady.

Shırek fınalda qazaqstandyq vaterpolshylar Nıderlandyǵa jol berdi. Odan keıin 5-8 oryndar úshin saıysta Slovakııany tize búktirdi.

Sondaı-aq, búgin 7 oryn úshin saıysta Izraıl quramasy Slovakııany 13:10 esebimen jeńdi.

Al úshinshi oryn úshin Grekııa men Italııa synǵa túsedi. Al fınalda Nıderlandy men Vengrııa quramalary sheberlik baıqasady. Olımpıadaǵa eki joldama beriledi.