+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Olımpıadalar kanıkýl kezinde ótkizilmeıdi - Ashat Aımaǵambetov

2020 jylǵy 26 aqpan 16:35
Bólisińiz:
Olımpıadalar kanıkýl kezinde ótkizilmeıdi - Ashat Aımaǵambetov

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov endi pándik olımpıadalar kanıkýl ýaqytynda ótkizilmeıtinin málim etti. Atalǵan ózgeris bıyldan bastap kúshine enedi, dep habarlaıdy QazAqparat.

«Olımpıadalar endi kanıkýl kezinde ótkizilmeıdi. Óıtkeni oǵan sabaqta óte belsendi, jaqsy oqıtyn oqýshylar qatysady. Biz olardy kanıkýl ýaqytyndaǵy demalystan aıyrmaýymyz kerek. Balalar demalýy tıis. Sondyqtan, bıyldan bastap olımpıadalardy basqa merzimde ótkizetin bolamyz», – dedi Ashat Aımaǵambetov mınıstrliktiń apparattyq keńesinde.

Mınıstr respýblıkalyq olımpıadaǵa qatysý úshin oblystarǵa baratyn balalarǵa jaqsy jaǵdaı jasalýy kerektigin eskertti. Sondaı-aq, ol JOO basshylaryna oqýshylarmen kezdesý jumystaryn uıymdastyrýdy tapsyrdy.

«Respýblıkalyq olımpıadaǵa kem degende 1,5 myń daryndy, bilimdi bala qatysady. Daıyndyq barysyn bólek qarastyramyz, degenmen Qaraǵandy jáne Almaty oblystarynda balalardyń qaýipsizdigi, jatatyn jeri, tamaqtanýy boıynsha barlyq jaǵdaı jasalsyn. Ekinshiden, ýnıversıtet basshylaryna tapsyrma: 1,5 myń oqýshy barady, ýnıversıtetter de olarmen jumys isteýi qajet. Jaz aılarynda ǵana emes, mundaı jumys udaıy júrgizilýi kerek», – dedi Ashat Aımaǵambetov.

Sóz sońynda mınıstr mektep bitirýshilerge ýnıversıtet tarapynan 50 grant bólgen TarMPÝ ózge JOO-larǵa úlgi retinde atap ótti.

«Mysaly, Taraz memlekettik pedagogıkalyq ýnıversıtetiniń rektory eriktilerge, daryndy balalarǵa 50 grant bóldi. Mine, osyny úlgi retinde aıtýǵa bolady. Sondyqtan, kásiptik baǵyt-baǵdar berýge beı-jaı qaramaý kerek», – dedi ol.

Esterińizge sala keteıik, osy jyldyń 6 qańtarynda QR BǴM Túrkistan oblysynyń bilim berý salasyndaǵy sapany qamtamasyz etý departamenti oqýshylar arasyndaǵy respýblıkalyq olımpıadanyń oblystyq týryn ótkizý barysynda Túrkistan oblysynyń adamı áleýetti damytý basqarmasynda jospardan tys tekserý júrgizen edi. Nátıjesinde birqatar óreskel buzýshylyq anyqtaldy. Osyǵan oraı, Ashat Aımaǵambetov olımpıada, ǵylymı joba baıqaýlary ádil, taza ótýi kerektigin basa aıtty.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT