Olesıa Kekselge qatysty is toqtatyldy – Qaırat Qojamjarov

NUR-SULTAN. QazAqparat – Burynǵy Bas prokýror, Parlament Senatynyń depýtaty Qaırat Qojamjarov Arnaıy prokýrorlar qyzmetiniń burynǵy basshysy Olesıa Kekseldiń isine qatysty tergeýge boıynsha pikir bildirdi, dep habarlaıdy QazAqparat tilshisi.

Uqsas jańalyqtar

Olesıa Kekselge qatysty is toqtatyldy– Erlan Turǵymbaev

«Meniń bilýimshe, shaǵym eki aı buryn túsken. Senbi kúni oǵan qylmys belgileriniń joqtyǵyna oraı is toqtatylǵany habarlanǵan. Alaıda bul taqyryp qyzý talqylanyp jatqandyqtan, is qaıta qaralýy múmkin. Jalpy is jaıynda Kekseldiń ózinen habardar boldym. Tergeýshi oǵan telefon shalyp, qylmys quramynyń joqtyǵyna baılanysty is toqtylǵanyn aıtqan», - dedi Qaırat Qojamjarov Senatta tilshiler saýalyna jaýap bere otyryp.

Sonymen qatar, senator Qazaqstan azaptaýǵa qarsy konventsııaǵa qosylǵanyn, osyǵan sáıkes ulttyq zańnama sáıkestendirilgenin atap ótti. Azaptaý týraly shaǵym túskende, quqyq qorǵaý organdary ony mindetti túrde tirkep, tergeý amaldaryn bastaıdy. Bul turǵyda kez kelgen aryz tekseriledi.

Q. Qojamjarov Arnaıy prokýrorlar qyzmetiniń burynǵy basshysy Olesıa Kekseldi bilikti maman jáne óz isine tııanaqty maman retinde biletinin aıtty.

Budan buryn habarlanǵandaı, QR Іshki ister mınıstri Erlan Turǵymbaev Bas prokýratýranyń Arnaıy prokýrorlar qyzmetiniń burynǵy basshysy Olesıa Kekseldiń ne úshin tergelip jatqanyn aıtty.

Sonymen qatar, QR Bas prokýrorynyń orynbasary Marat Ahmetjanov Arnaıy prokýrorlar qyzmetiniń burynǵy basshysy Olesıa Kekseldiń isine qatysty pikir bildirdi.