Olga Perepechına Senat tóraǵasynyń orynbasary bolyp saılandy
2022 jylǵy 27 qańtar 09:19

Olga Perepechına Senat tóraǵasynyń orynbasary bolyp saılandy

NUR-SULTAN. QazAqparat – Búgin QR Parlamenti Senaty tóraǵasynyń orynbasary bolyp Olga Perepechına saılandy, dep habarlaıdy QazAqparat tilshisi.

«Konstıtýtsııalyq normalarǵa sáıkes, Palata tóraǵasynyń orynbasaryna kandıdatýrany Senat tóraǵasy usynady. Osy quqyqty paıdalana otyryp bul laýazymǵa Olga Valentınovna Perepechınanyń kandıdatýrasyn usynamyn. Olga Valentınovnany barshańyz jaqsy bilesizder, óz isiniń naǵyz mamany, tájirıbeli senator. Sońǵy tórt jyldan astam ýaqytta Senattyń Qarjy jáne bıýdjet komıtetin basqardy», - dedi Senat tóraǵasy Máýlen Áshimbaev palatanyń jalpy otyrysynda.

Senat reglamentine sáıkes, Palata tóraǵasynyń orynbasaryn saılaý týraly qaýly ashyq daýys berý arqyly qabyldandy. Depýtattar bul sheshimdi biraýyzdan qoldady.

Aıta keteıik, Q.Toqaevtyń taǵy bir Jarlyǵymen Nurlan Ábdirovtiń Senat depýtaty retindegi ókilettigi toqtatyldy.

Osy oraıda QR Prezıdenti Qasym-Jomart Toqaevtyń Jarlyǵymen Nurlan Májıtuly Ábdirov QR Ortalyq saılaý komıssııasynyń Tóraǵasy laýazymyna taǵaıyndaldy.



Avtor:
Tilshi

Jańalyqtar

MURAǴAT