+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Oqýshyny zorlaý oqıǵasy: Jambyldaǵy barlyq mektepterde qaýipsizdik kúsheıtildi

2019 jylǵy 20 qarasha 00:35
Bólisińiz:
Oqýshyny zorlaý oqıǵasy: Jambyldaǵy barlyq mektepterde qaýipsizdik kúsheıtildi

TARAZ. QazAqparat – Tarazdaǵy 7-synyp oqýshysynyń zorlanýyna qatysty shýly oqıǵadan keıin, oblystaǵy barlyq bilim ordalaryndaǵy qaýipsizdik sharalary kúsheıtilýde, - dep habarlaıdy QazAqparat tilshisi.

Uqsas jańalyqtar
AQSh-ta dúken tonalǵannan keıin atys bolyp, tórt adam ajal qushty Aqmola oblysyndaǵy astyq qoımasynda beton plıta qulap, jumysshy mert boldy Semeı men Kýrchatovta kóktaıǵaqqa baılanysty mektepterde sabaq toqtatyldy

Qoǵamda úlken rezonans týdyrǵan oqıǵadan keıin oblys ákimi Asqar Myrzahmetov jedel keńes ótkizip, atalmysh jaıtqa jol bergen barlyq jaýapty tulǵalardy jumystan bosatý kerektigin basa aıtyp, aldaǵy ýaqytta qandaı da qylmystyq fakti oryn alǵan mekteptiń dırektory men tıisti orynbasarlary, bilim berý bóliminiń basshysylaryna da osy jaza túri qoldanylmaq.

«Qatań sógis» degen sekildi jaza túrin qoldanyp, ary qaraı jumysyn jalǵastyra berý birinshi kezekte adamgershilikke jatpaıdy. Salada temirdeı tártip ornatyp, sol tártiptiń talabyna saı emes mamandar qyzmetten ketý kerek. Jasóspirimder qaýipsizdigin kúsheıtý maqsatynda júrgiziletin jumystarǵa adamgershilik turǵyda qarap, oǵan asqan jaýapkershilikpen nazar aýdarylýǵa tıis. Bul tapsyrmalardyń oryndalý barysy ózimniń jiti qadaǵalaýymda bolady»,-dedi Asqar Myrzahmetov.

Oblys ákiminiń tapsyrmasyna saı jaýyq arada oblystyń barlyq mektepteri tolyqtaı qorshalatyn boldy. Aýyldar men aýdan ortalyqtaryndaǵy mektepterdi qalaıda tezirek qorshaýdy aýdan ákimderine tapsyrdy. Sondaı-aq, barlyq mektepterdegi ájethanalardy ońtaılandyrý, olardy qaýipsiz etý júkteldi. Sonymen qatar, bilim berý mekemelerin 100 paıyz kameramen qamtamasyz etý úshin ekonomıka jáne bıýdjettik josparlaý basqarmasyna olardyń shyǵynyn esepke alyp, bul máseleni de tolyqtaı sheshýdi tapsyrdy.

Aıta keteıik, búginde oblys boıynsha 442 mektep jumys isteýde desek, olardyń 98,4 paıyzy beınebaqylaý kameralarymen qamtylǵan.

Aımaq basshysy, oblystyq polıtsııa departamenti mektepterge bólingen ınspektorlardan ózge polıtsııa qyzmetkerin de mektep oqýshylarynyń qaýipsizdigin qamtamasyz etýge mindettep, tańǵy, túski jáne keshki mezgilde polıtsııa qyzmetkerleriniń mindetti túrde mektep aýmaǵyn baqylaýdy úılestirý kerektigin aıtty.

Búginde oblys ákiminiń tapsyrmasyna oraı, shuǵyl sharalar qolǵa alynyp, óńirdegi mektepterde oqýshylardyń qaýipsizdigin qamtamasyz etýdegi kemshilikterdi anyqtaý, onyń ishinde mektep ınspektorlary men beınekameralardyń jetispeýshiligi, oqý oryndarynyń aýmaǵynda qorshaýdyń, sanıtarlyq jabdyqtardyń bolmaýy jáne basqa da máseleler boıynsha polıtsııa departamentimen arnaıy jumys toby qurylyp úlgerildi. Bul týraly departament bastyǵy Arman Orazalıev óziniń Facebook áleýmettik jelisindegi paraqshasynda jazdy.

«Mektep janyndaǵy aýmaqtarda kámeletke tolmaǵandardyń jynystyq qol suǵylmaýshylyǵyna qarsy qylmystardy boldyrmaý boıynsha jumysty kúsheıtý maqsatynda, kúndizgi jáne keshki ýaqytta polıtsııa qyzmetkerleri mektep ákimshiliginiń ókilderimen birlesip patrýldeý uıymdastyrylady. Mektep ınspektorlarynyń is-áreket algorıtmi qaıta qaraldy. Mekteptegi beınebaqylaý kameralarynan beınelerdi tek dırektordyń kabınetine ǵana emes, sonymen qatar dırektordyń tárbıe isi jónindegi orynbasary men mektep ınspektorynyń kabınetterine shyǵarý máselesi qaralýda»,-dedi Arman Orazalıev.

Sondaı-aq, oblystyń bas polıtseıiniń aıtýynsha, Taraz qalasynyń №6 orta mektebinde oryn alǵan qylmysqa baılanysty Taraz qalasy Polıtsııa basqarmasynyń Jergilikti polıtsııa qyzmetiniń bastyǵyna, Taraz qalalyq PB 2-polıtsııa bóliminiń jáne 2-PB jergilikti polıtsııa qyzmeti bólimshesiniń bastyqtaryna, 2-PB ıývenaldyq polıtsııa jumysyn uıymdastyrý jónindegi aǵa ınspektoryna qatań sógis jarııalandy, al mektep ınspektory ishki ister organdarynan shyǵarylǵan.

Kámeletke tolmaǵandar jasaǵan jáne kámeletke tolmaǵandarǵa qatysty qylmystardyń aldyn alý men jolyn kesý máseleleri departament basshysynyń kúndelikti baqylaýynda bolmaq.

Eske sala keteıik, buǵan deıin habarlaǵanymyzdaı Taraz qalasyndaǵy №6 mektepte bolǵan sumdyq oqıǵa ótken aptanyń juma kúni oryn aldy. Atalǵan mektep ájethanasynda 12 jasar oqýshy qyzǵa azǵyndyq áreket jasaǵan 38 jasar kúdikti kóp uzamaı qolǵa túsip, qamalǵan. Buǵan jol bergen jaýapty basshylar jappaı jazalanyp, jumystarynan bosatylýda. Búginde jábirlenýshi aýrýhanaǵa jatqzyzylyp, dárigerlerdiń baqylaýyna alyndy.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT