Jańalyqtar  >

Oqýshylarǵa mantý ornyna BTsJ salǵan Aqtóbe mektebinde mınıstrlik tekseris bastady

2022 jylǵy 28 qyrkúıek, 17:56
Oqýshylarǵa mantý ornyna BTsJ salǵan Aqtóbe mektebinde mınıstrlik tekseris bastady

ASTANA. QazAqparat - QR Densaýlyq saqtaý mınıstrligi Aqtóbedegi mektep oqýshylaryna mantý synamasyn júrgizbesten BTsJ vaktsınasyn salý faktisi boıynsha qyzmettik tekserýdi bastady. QazAqparat bul týraly mınıstrliktiń baspasóz qyzmetine silteme jasap habarlaıdy.

«Qazirgi ýaqytta bul ıntsıdent boıynsha quramynda Densaýlyq saqtaý mınıstrliginiń Sanıtarııalyq-epıdemıologııalyq baqylaý, Medıtsınalyq jáne farmatsevtıkalyq baqylaý beıindi komıtetteriniń basshylary, beıindi mamandary bar komıssııa quryldy. Olar epıdemıologııalyq tekserý júrgizip, saraptamalyq qorytyndy negizinde bolǵan oqıǵaǵa baǵa beredi.

Aqtóbe oblysynyń densaýlyq saqtaý basqarmasy ata-analarmen túsindirý jumystaryn júrgizip, balalardyń densaýlyq jaǵdaıyna turaqty monıtorıng jasaýda.

Bıylǵy 13 qyrkúıekte Aqtóbe qalasynyń №74 jalpy bilim beretin orta mektebinde týberkýlındik dıagnostıkaǵa jatatyn 1-synyp oqýshylaryna mantý synamasy júrgizilmesten BTsJ ekpesimen revaktsınalaý faktisi oryn aldy.

Mektep boıynsha profılaktıkalyq ekpelerdi júrgizý úshin jaýapty oryndaýshylar retinde Aqtóbe qalasyndaǵy jeke klınıkanyń («Medıkýs ortalyǵy» JShS ) dárigeri men meıirgeri taǵaıyndaldy. Atalǵan medıtsına qyzmetkerleri búginde jumystan shettetildi.

Balalardyń jalpy jaǵdaıy qanaǵattanarlyq, barlyǵy pedıatrlardyń baqylaýymen sabaqtaryn jalǵastyrýda», - delingen Densaýlyq saqtaý mınıstrliginiń málimetinde.

Eske salaıyq, Aqtóbedegi atalmysh mekteptiń 42 oqýshysyna mantý synamasynyń ornyna BTsJ vaktsınasy salynǵany týraly buǵan deıin jazǵan bolatynbyz.


Tegı:
Aımaq   Mektep   Densaýlyq   Aqtóbe  
Uqsas jańalyqtar
Seriktester jańalyqtary

Jańalyqtar