+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Oqýshylardy aldap, vaktsınatsııa kelisimine qol qoıýǵa májbúrlep jatyr - feık

2021 jylǵy 9 qyrkúıek 15:56
Bólisińiz:
Oqýshylardy aldap, vaktsınatsııa kelisimine qol qoıýǵa májbúrlep jatyr - feık

NUR-SULTAN. QazAqparat - Qazaqstandyq ata-analar oqýshylardyń qaýipsizdik tehnıkasy boıynsha nusqaýlyqpen tanystyrylyp jatqanyna alańdaýly. Keıbireýleriniń pikirinshe, erejelermen tanysý faktisin rastap, jýrnaldarǵa qol qoıý balalar úshin qaýipti. Mundaı blank retinde olarǵa KVI-ge qarsy vaktsınatsııaǵa kelisim berilýi múmkin. Bul málimet - jalǵan, dep habarlaıdy Stopfake.kz.

QR Bilim jáne ǵylym mınıstrligi ata-analardyń alańdaýshylyǵyn seıiltti.

Vedomstvonyń habarlaýynsha, qaýipsizdik tehnıkasy erejelerimen tanysqanyn rastaıtyn qoltańbany oqýshylar jeke blankige emes, arnaıy jýrnalǵa qoıady.

Sonymen qatar, nusqamany ótkizý oqýshylardyń quqyqtaryn buzý bolyp tabylmaıdy.

– Nusqamany ótkizý týraly mindetti túrde Kirispe nusqamalyq tirkeý jýrnalyna jazylady. Árbir nusqama kezinde jýrnaldy toltyrý mindetti bolyp tabylady. Bul rette jýrnaldaǵy jazbalarda nusqaýshy men bilim alýshylar týraly aqparat, nusqamany ótkizý kúni men taqyryby jáne nusqaýshy men oqýshylardyń qoldary bolýy tıis. Jýrnaldaǵy aqparat ata-analardyń quqyǵyn buzbaıdy, óıtkeni oqýshynyń qoly onyń ártúrli jaǵdaılarda qaýipsiz áreket etý sharalarymen tanys ekenin rastaıdy», – dep túsindirdi vedomstvo ókilderi.

Bilim uıymdarynyń bilim alýshylary men tárbıelenýshilerine medıtsınalyq kómek Qazaqstan Respýblıkasy Densaýlyq saqtaý mınıstriniń 2017 jylǵy 7 sáýirdegi № 141 buıryǵyna sáıkes kórsetiledi.

Osy buıryqtyń 18-tarmaǵyna sáıkes mektep josparly túrde profılaktıkalyq tekserýler, vaktsınatsııa nemese basqa da medıtsınalyq qyzmetter kórsetý kezinde jazbasha aqparattandyrylǵan kelisim alýǵa nemese medıtsınalyq aralasýdan bas tartýǵa kómek kórsete alady.

Mundaı qujatqa kámeletke tolmaǵan balanyń ata-anasy nemese zańdy ókili qol qoıýy kerek.

Qoryta aıtqanda, mektepterde KVI qarsy vaktsınatsııalaý kelisimi blankin Kirispe nusqamany tirkeý jýrnaly dep berip, balalardy óz betinshe egilýge ruqsat berýge májbúrlemeıdi.

Birinshiden, mundaı áreketter zańsyz, ekinshiden, jýrnal medıtsınalyq protsedýralardy júrgizýge aqparattandyrylǵan kelisim nysanynan múldem ózgeshe.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT