+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Oqýshylar 6 sáýirden bastap qalaı oqıdy – mınıstrdiń jaýaby

2020 jylǵy 19 naýryz 20:32
Bólisińiz:
Oqýshylar 6 sáýirden bastap qalaı oqıdy – mınıstrdiń jaýaby

NUR-SULTAN. QazAqparat - Qazaqstanda mektep oqýshylaryna sabaq telearnalar arqyly ótkizilýi múmkin. Bul jaıynda QR Bilim jáne ǵylym mınıstri Ashat Aımaǵambetov Facebook-paraqshasynda jazdy, dep habarlaıdy QazAqparat tilshisi.

«Biz arnaıy jumys tobyn qurdyq. Onyń quramyna qashyqtan bilim berý salasynda jumys isteıtin «Bilimland», «DDaryn.online», «Kúndelik», «Univer», «Platonus», «EduPage», BIL, «BTS education», «U-study» jáne «AGS» syndy uıymdardyń ókilderi jáne pedagogter, ádiskerler, mektep dırektorlary, dırektorlardyń oqý isi jónindegi orynbasarlary jáne JOO prorektorlary endi», - dep atap ótedi mınıstr.

Onyń atap ótýinshe, bul rette jumys birneshe baǵyt boıynsha júrgizilýde. Máselen, tapsyrmalardy berý, olardyń oryndalýyn tekserý, baǵalaý jáne keri baılanysty qamtamasyz etetin aqparattyq júıelerdi engizý qarastyrylyp jatyr. Bilim alýshylar beıne-sabaqtarǵa qatysyp, tapsyrmalar alyp, qajet bolǵan jaǵdaıda pedagogterdiń óz synybymen onlaın-talqylaý, baǵalaý boıynsha nemese vıdeostrımıng servısterin paıdalana alýyn qamtamasyz etetin júıelerdi iske qosý da kózdelgen.

«Telearnalar arqyly sabaq ótkizýge daıyndalýdamyz. Onda beıne-sabaqtar sabaq kestesine saı kórsetiletin bolady. Bul tetik, ásirese, ınternet qýaty álsiz jáne qajetti qural-jabdyqtarǵa qatysty qıyndyqtary bar aýyldyq bilim berý uıymdary úshin ózekti. Biz úshin barlyq sabaq orta bilim berýdiń memlekettik jalpyǵa mindetti standartyna saı oqý baǵdarlamasy boıynsha, sabaq kestesine sáıkes, tsıfrlyq bilim berý resýrstary boıynsha ádistemelik qoldaýmen jáne mýltımedıalyq materıaldarmen qamtamasyz etilip, ustazdar úshin aldyn ala ázirlengen jospar boıynsha júrgizilgeni mańyzdy. Bastysy, bilim alý tetigi sapaǵa áser etpeýi qajet», - dedi ol.

Mınıstr pedagogter men oqýshylardyń tsıfrlyq saýattylyǵyn damytý qajet ekendigi de basty nazarda turǵanyn aıtady. Olar úshin arnaıy kýrstar ótkizilip, nusqaýlyqtar ázirlenetin bolady. Qazirdiń ózinde muǵalimder úshin tsıfrlyq resýrstardy paıdalaný boıynsha biraz vıdeodárister ázirlendi. Inklıýzıvtik bilim berý, jańa tehnologııalardyń qoljetimdiligine qatysty prıntsıpter eskeriletin bolady.

»Internet provaıderleri men baılanys operatorlary boıynsha TsDIAÓM-men birlesip jumys júrgizýdemiz. Osy kezeńde bilim berý resýrstaryn paıdalaný barysynda trafık eseptelmegeni durys. Osy másele boıynsha Premer-Mınıstr tarapynan tıisti tapsyrma berildi jáne qoldaý kórsetildi. Kóptegen iri platformalar óz qyzmetterin tegin usynyp jatyr. Bul jumysymyzdy birshama jeńildetti. Qazirgi ýaqytta «Zoom» strımıngtik servısi men «Coursera» dep atalatyn iri platformalardyń biri tegin qyzmet kórsetýde. Sondaı-aq «Google Classroom», «Hangout», «Kúndelik», «Moodle» júıelerin tegin qoldanýǵa bolady. Sonymen qatar «Bilimland» platformasy óziniń 40 myńnan astam kontentin tegin usyndy«, - dedi Ashat Aımaǵambetov.

Onyń atap ótýinshe, karqyndy jumys júrgizilýde.

»Keıde ártúrli tásilder men sheshimderdi qabyldaýdy qajet etedi. Biz 5 sáýirge deıin aqparattyq júıelerdi daıyndap úlgerýimiz kerek. Olardy tıisti kontentpen qamtamasyz etip, synap kórýimiz qajet. Sondaı-aq, 6 sáýirden bastap qajet bolǵan jaǵdaıda jańa formatta sabaq alýǵa beıimdeýge tıispiz. Oqýshylarmen, stýdenttermen, ata-analarmen jáne pedagogtermen birigip qashyqtan oqytýdyń sapaly júıesin qura alatyndyǵymyzǵa senimdimin. Eń bastysy, biz árdaıym keri baılanysty, usynystar men tyń ıdeıalardy qýana qabyldaýǵa daıynbyz«, - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT