+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Oqýǵa túskennen keıin soǵym jiberedi - Elbasy JOO-lardaǵy jemqorlyq jaıynda

2019 jylǵy 21 tamyz 12:50
Bólisińiz:
Oqýǵa túskennen keıin soǵym jiberedi - Elbasy JOO-lardaǵy jemqorlyq jaıynda

NUR-SULTAN. QazAqparat –Qazaqstan Qaýipsizdik keńesinde joǵary oqý oryndaryndaǵy jemqorlyq máselesi qaralady. Bul týraly «Nur Otan» partııasy Saıası keńesiniń keńeıtilgen otyrysynda QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

Uqsas jańalyqtar
Aqtóbe oblysynda «Nur otan» jumysyn jandandyrý jospary quryldy Túrkistanda «Meniń týym, meniń Otanym!» atty patrıottyq aktsııa ótti Nur Otan partııasynyń Almaty fılıalynda qaıta jańǵyrtý barysy talqylandy

«Kóptegen joǵary oqý oryndarynda emtıhandy aqshalaı syılyqaqyǵa tapsyratyndyǵyn barlyǵymyz da bilemiz. Oqýǵa túsetin kezde bolǵanyn biletin edik. Ádette sessııa kezinde synaq pen baǵany satyp alatyn edi. Stýdentterge jataqhanada oryndardy bólý, basqa da ómirlik problemalardy sheshý barysynda para berýge májbúrleıdi. Bul jastar tarapynyń barynsha narazylyǵyn týyndatady. Qaýipsizdik keńesiniń tóraǵasy retinde Qaýipsizdik keńesine arnaıy toptarmen birge ýnıversıtetterdi ishinara iriktep alyp, osy máseleni zerdeleýdi jáne ony Qaýipsizdik keńesiniń talqylaýyna shyǵarýdy tapsyramyn», - dedi Nursultan Nazarbaev.

Elbasynyń aıtýynsha, Qaýipsizdik keńesiniń talqylaýynan keıin naqty sheshimder qabyldanatyn bolady.

«Jastardyń ózi de jemqorlyqqa qarsy áreketterge belsendi túrde qatysýy tıis. Satyp alynǵan bilim, aqshaǵa alynǵan synaq ne bolady? Aıtyńyzdarshy! Munan keıin qandaı mamandar alamyz? «Nazarbaev« Ýnıversıtetinde eshkim de emtıhan, synaq úshin aqsha usynbaıdy. Onyń ne ekenin de bilmeıdi. 10 myń jasymyz batystyń úzdik ýnıversıtetinde bilim aldy. Solar ol jaqta kimge synaq úshin para bergenin aıtyp kórsinshi. Kórdik qoı, balasy oqýǵa túskennen keıin artynan qysqa qaraı soǵym jiberedi. Túskende de jiberedi, bitirgende de jiberedi. Áli kúni sonymen júrip kelemiz», - dedi QR Tuńǵysh Prezıdenti .

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT