Oqý mınıstrligi Nazarbaev mektebindegi bilim granty daýyna qatysty túsinikteme berdi
2022 jylǵy 23 maýsym 11:58

Oqý mınıstrligi Nazarbaev mektebindegi bilim granty daýyna qatysty túsinikteme berdi

NUR-SULTAN. QazAqparat - QR Oqý-aǵartý mınıstrliginiń Nazarbaev zııatkerlik mektebine qatysty shyqqan daýǵa túsinikteme berdi, dep habarlaıdy QazAqparat.

Biz kópshiliktiń jaǵdaıdy túsinbeıtinin jáne Nazarbaev zııatkerlik mektepteri mınıstrlikke baǵynysty dep sanaıtynyn kórip otyrmyz. Osy oraıda «Nazarbaev zııatkerlik mektebi» DBBU-nyń tolyq derbestigin qamtamasyz etetin arnaıy zań bar ekenin eske salǵymyz keledi. ıAǵnı, NZM mektepteri Oqý-aǵartý mınıstrligine baǵynbaıdy. Sáıkesinshe, tilder bólinisinde kvota bólý, synyptardy jabdyqtaý, jańa mektepter ashý máselelerin mınıstrlik emes, Qamqorshylyq keńesi sheshedi. Túsindiretin bir ǵana másele bar. Dálirek aıtqanda, mınıstr granttardy taǵaıyndaý jónindegi komıssııanyń tóraǵasy, alaıda onyń synyptarǵa qabyldaý, synyptardy jınaqtaý jáne ony ashý saıasatyn anyqtaýǵa quqyǵy joq. Sondyqtan tóraǵa qyzmeti qaıta qaralady. Negizgi sheshimderdi qabyldaıtyn adamdar konkýrs komıssııasyna tóraǵalyq etýi kerek», - dedi QR Oqý-aǵartý mınıstrliginiń Mektepke deıingi jáne orta bilim komıteti bas sarapshysy Erlan Maıaemırov.

Oqyrmandarǵa túsinikti bolý úshin aıta ketsek, áleýmettik jelide Nazarbaev zııatkerlik mektebinde oqýǵa úmitkerlerge memleket tarapynan beriletin «Órken» grantynyń sanyna baılanysty rezonansty vıdeo tarady. Ondaǵy málimet boıynsha, bıyl qazaq tobyna tapsyrǵan oqýshylardyń sany orys tobyna tapsyrǵan úmitkerlerden kóp bolǵanyna qaramastan, grant sany teńdeı bólingen (100-100). Sonyń saldarynan qazaq tildi úmtikerlerdiń jınaǵan ball sany orys tildi úmtikerlerden joǵary bolǵanyna qaramastan, grantqa óte almaı otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT