Oqý-aǵartý mınıstri bilim bólimderiniń basshylaryn synǵa aldy
2022 jylǵy 21 maýsym 10:52

Oqý-aǵartý mınıstri bilim bólimderiniń basshylaryn synǵa aldy

NUR-SULTAN. QazAqparat – Balalar jylyna arnalǵan josparǵa formaldy is-sharalardy qosýdyń qajeti joq. Bul týraly QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Balalar jyly boıynsha jospar bekitildi. Biraq, qazir áriptesterimiz daıyndalmaı sóz bergen edim. Árıne, negizinen biraz jumys júrgizilip jatyr. Biraq, júıeli túrde júrgizilgenin kórmedim. Álde daıyndalǵan joqsyzdar ma? Bilmeımin qalaı ekenin. Desek te, Balalar jyly boıynsha óńirlerdiń josparlaryn qaıta qaraý kerek. Olardy tolyqtyrý kerek. Ár aýdannyń álde qalanyń bilim bólimi boıynsha osyndaı jospar bolýy kerek. Sizderge sóz bergende ol daıyn turyp, kádimgideı júıeli máselelerdi aıtyp berýlerińiz qajet. Qazir kózim jetip otyr, jalpy júıeli máseleler men kúndelikti bolyp jatqan máselelerdi aıyra almaı otyrsyzdar. «Osynshama mektep jóndep jatyrmyz» deısizder. Ol aldyńǵy jyly da jóndeldi, jóndelýi kerek te», - dedi Ashat Aımaǵambetov vedomstvonnyń apparat jınalysynda.

Osy rette mınıstr óńirlerdiń bilim bólimi basshylaryna Balalar jylynda naqty júıeli qandaı is-sharalar oryndalady, josparǵa ne kirdi degen suraqtarǵa jaýap berýge daıyn bolý kerektigin eskertti.

«Sondyqtan jospardaǵy 200 is-sharany qaıtadan qarańyzdar. Sizderge 2 apta ýaqyt beremin. Kúndelikti, balalar jyly bolmasa da ótkiziletin is-sharalardy qosýdyń qajeti joq. Balalarǵa baılanysty qandaı problemalar bar bolsa, sony ishine qosý kerek. Múmkin az bolar. Biraq, bizge formaldy túrdegi is-sharalardy qosýdyń qajeti joq», - dedi ol.


Seriktester jańalyqtary

Jańalyqtar

Úrdis

MURAǴAT