+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

OQO-da kásipker zańdy qujattary bola tura úsh jyl boıy tenderge qatysa almaǵan

2017 jylǵy 13 aqpan 12:33
Bólisińiz:
OQO-da kásipker zańdy qujattary bola tura úsh jyl boıy tenderge qatysa almaǵan

ShYMKENT. QazAqparat - Ońtústik Qazaqstan oblystyq Kásipkerlik palatasyna ótken jyly 100-ge jýyq kásipker aryzdanyp kelgen. Shaǵyn jáne orta bıznes ókilderi memlekettik satyp alýdiń ádil ótpeıtindigin jáne osy salaǵa jaýapty basshylar zańdy belden basatynyna shaǵymdanǵan, dep habarlaıdy QazAqparat HAA tilshisi.

Jergilikti kásipkerlerdiń aryzdarynan soń, oblystyq kásipkerlik palatasy jaýapty sala basshylaryn shaqyryp, bıznes ókilderiniń quqyǵyn qorǵaý boıynsha jıyn ótkizdi. Onda memlekettik satyp alýdaǵy zańsyz áreketterge shara qoldaný jaıy talqylandy. Basqosýǵa kelgen kásipkerlerdiń biri qujaty zańdy bola tura 3 jyl boıy tenderge qatysa almaı, sandalǵanyn aıtty. Dál osyndaı problema ózge de kásipkerlerdiń basynan ótipti. Ońtústik Qazaqstan oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamenti basshysynyń orynbasary Aıbek Shilmenov kásipkerlerdiń saýaldaryna jaýap berdi. Aldaǵy ýaqytta memlekettik satyp alý boıynsha barmaqbasty, kózqysty áreketterdiń aldyn alý úshin qoǵamdyq monıtorıng júrgiziletinin málimdedi.

«Kásipkerlik palatasy men agenttiktiń arasyndaǵy kelisimde sybaılas jemqorlyqqa qatysy bar degen birneshe salalar boıynsha aýqymdy jumystar júrgiziledi, birinshi jarty jyldyqtyń ishinde. Óńirimizdegi memlekettik satyp alý men órtke qarsy qaýipsizdik salasynda kezdesetin problemalarǵa júrgizetin bolamyz. Osy eki salany qamtımyz. Jyl ortasynda júrgizilgen jumystardyń nátıjesin shyǵarýymyz kerek», -dedi OQO boıynsha memlekettik qyzmet isteri jáne sybaılas jemqorlyqqa qarsy is-qımyl departamenti basshysynyń orynbasary Aıbek Shilmenov.

Aıta keteıik, óńirde 2016 jyly 173 mlrd. teńgege memlekettik satyp alý tenderlerin ótkizý kózdelgen bolatyn. Ulttyq kásipkerler palatasynyń qyzmetkerleri taýar óndirýshiler arasynda ótken baıqaýlardyń basym kópshiligine qatysqan. Al, olar boıynsha eshqandaı zańsyzdyq tirkelmepti.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT