+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

OQO-da eki jasóspirim áleýmettik jeliler arqyly ekstremızmdi nasıhattaǵan

2017 jylǵy 20 aqpan 17:08
Bólisińiz:
OQO-da eki jasóspirim áleýmettik jeliler arqyly ekstremızmdi nasıhattaǵan

ShYMKENT. QazAqparat - Ońtústik Qazaqstan oblysynda 16 jastaǵy jasóspirim áleýmettik jeliler arqyly áskerı jıhadqa úgittegen. Osy qylmysy úshin ol 6 jylǵa bas bostandyǵynan aıyryldy. Bul týraly oblystyq kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy Serikbaı Tólepbergenov málimdedi, dep habarlaıdy QazAqparat HAA tilshisi.

BAQ ókilderimen kezdesken sot tóraǵasy ótken jyly atqarylǵan jumystardy qortyndylaı kele, qoǵamdyq pikir týǵyzǵan atyshýly isterge toqtalyp ótti. Sonyń qatarynda qazyǵurttyq jasóspirimge qatysty is te bar bolatyn. Ol ata-anasymen birge Sırııaǵa attaný jaǵyn qamdastyrǵan. Qarap júrmeı áleýmettik jeliler arqyly terrorıstik pıǵylda soǵysqa shaqyratyn úgit-nasıhat júrgizgeni anyqtaldy. «VKontakte» jelisinde tanystary men dostaryn áskerı jıhad jasaýǵa shaqyrǵan. Alaıda sot barysynda ol óz kinásin moıyndamapty.

«A degen qazyǵurttyq jasóspirim Qylmystyq Kodekstiń «Telekommýnıkatsııa jelileri arqyly terrorızmdi nasıhattaý», «Terrorıstik toptyń qyzmetine qatysý» baptarymen kináli dep tanylyp, alty jylǵa sottaldy. Jazasyn jalpy rejımdegi tártiptik kolonııada óteıtin boldy. Onyń ákesine sot úkimi shyǵaryldy. Bul otbasy Sırııaǵa ketýdiń joldaryn qarastyrǵan. Buǵan deıin olardyń týystary da sonda attanyp ketkeni anyqtaldy»,-dedi sot tóraǵasy Tólepbergenov.

Sot tóraǵasynyń sózinshe, osyndaı qylmys jasaǵan taǵy bir jasóspirim qyz 5 jylǵa bas bostandyǵynan aıyryldy. Ol da terrorıstik baǵyttaǵy úgit-nasıhat jumystaryn áleýmettik jelileri arqyly júrgizipti.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT