+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

OQO-da bes jylda 47 myńnan astam otbasy baspanaly bolmaq

2017 jylǵy 17 aqpan 17:19
Bólisińiz:
 OQO-da bes jylda 47 myńnan astam otbasy baspanaly bolmaq

ShYMKENT. QazAqparat - Elimizde árbir besinshi turǵyn ómirge keletin Ońtústik Qazaqstan oblysynda jurtty baspanamen qamtý ózekti máselesiniń biri ekeni belgili. Tıisti memlekettik baǵdarlamalar men qoldaýlardyń arqasynda óńirde aldaǵy 5 jylda 4,8 mln sharshy metr turǵyn úı paıdalanýǵa berilip, 47 619 otbasy baspanaly bolmaq. Bul týraly oblys ákimi Janseıit Túımebaev málimdedi, dep habarlaıdy QazAqparat HAA tilshisi.

Esepti jıynda ákim baspanamen qamtamasyz etý boıynsha qajettilikterdi kezeń-kezeńimen sheshý úshin 2016 jyly 530 myń sharshy metr turǵyn úı tapsyrylǵanyn atap ótti. Al, osy jyly jalpy alańy 700 myń sharshy metr bolatyn turǵyn úıdi tapsyrý josparlanyp otyr. Ústimizdegi jyly salynatyn 98 kópqabatty jáne 4 018 jeke turǵyn úılerge qajetti ınjenerlik-kommýnıkatsııalyq jelilermen qamtamasyz etý úshin bıýdjetten 11 mlrd 732 mln teńge bólinbek.

«Aldaǵy 15 jylda elimizdiń turǵyndaryn tolyǵymen baspanamen qamtý maqsatynda elimizde jańadan «Nurly jer» baǵdarlamasy qolǵa alyndy. Osy baǵdarlama sheńberinde jeke turǵyn úı qurylysy boıynsha Shymkent qalasynda pılottyq joba retinde eki kottedjdi qalashyqtar salynatyn bolady. Onyń biri 76 gektar alqapta 293 úı ornalasatyn «Bozaryq» kesheni men 180 gektar alqapta 1 050 úımen «Tasken» turǵyn úı kesheni boı kóteredi. Jalpy 5 jylda 529 kópqabatty jáne 25 736 jeke turǵyn úıge ınjenerlik ınfraqurylym júrgiziledi», - dedi aımaq basshysy.
null

Sonymen qatar, jıynda ákim kópqabatty turǵyn úılerdi jańǵyrtý árbir otbasy úshin ózekti másele ekenine toqtaldy. Osy rette, Shymkent qalasy men aýdan, qala ortalyqtarynyń sáýlettik kelbetin zamanaýı talaptarǵa sáıkestendirý, kópqabatty úılerdiń qasbetin jóndeý, aýmaǵyn abattandyrý máselesi de ózekti kúıde turǵanyn jetkizdi.

«Búginde oblysta jalpy sany 3 152 kópqabatty turǵyn úı bar bolsa,onyń 1 581 kúrdeli jóndeýdi qajet etedi. 183-inde qaıta jańǵyrtý qurylys jumystary aıaqtaldy. Nátıjesinde jóndeýdi qajet etetin úılerdiń úlesi 50,1%-dan 44,4%-ǵa deıin tómendetildi. Aldaǵy 4 jylda jalpy sany 488 kópqabatty turǵyn úıge kúrdeli jóndeý júrgizilip, jóndeýdi qajet etetin úılerdiń úlesin 28,8 paıyzǵa deıin tómendetý kózdelýde», - dedi J. Túımebaev.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT