+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

OQO-da áleýmettik jeliler arqyly bopsalaýshylar kóbeıip barady

2017 jylǵy 9 aqpan 14:30
Bólisińiz:
OQO-da áleýmettik jeliler arqyly bopsalaýshylar kóbeıip barady

ShYMKENT. QazAqparat - Ońtústik Qazaqstan oblysynda polıtseıler áleýmettik jelilerdi paıdalanyp, bopsalaýdyń 5 deregin áshkereledi. Bopsalaýshylar ádette qoqan-loqy kórsetip, jábirlenýshilerden aqsha talap etedi eken, - dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.

Ońtústik Qazaqstan oblysynyń ІІD Uıymdasqan qylmysqa qarsy kúres basqarmasynyń qyzmetkerleri bergen málimetke sáıkes, kóptegen adamdar áleýmettik jeliler arqyly tanysqanda óziniń jeke ómiriniń qaýipsizdigi jaıly oılamaıdy. Jeke ómirine qol suǵýshylyqtyń qurbany bolýy múmkindigi týraly kúdiktenbeıdi de. Al, keıbir teris pıǵyldy adamdar, óziniń qurbanyn aldyn ala kózdep, onyń jeke málimetteri men áshkereleıtin fotosýretterin qolǵa túsirgen. Sodan keıin qomaqty qarajat talap etedi.

Máselen, ótken jyldyń sońynda Saryaǵash AІІB-ne 26 jastaǵy boıjetken habarlasyp, tanysy ózin áshkereleıtin fotosýretterdi ınternet jelisine júkteımin dep 800 myń teńge talap etkeni jóninde shaǵymdanǵan.

Polıtseıler jedel-izdestirý is-sharalary barysynda 1983 jyly týǵan jergilikti turǵyndy kúdikti retinde ustaǵan. Óz kinásin tolyq moıyndaǵan kúdiktiniń aıtýynsha, ol osy ádispen materıaldyq jaǵdaıyn jaqsartpaq bolypty. Aıǵaq zat retinde aqsha, foto jáne vıdeomaterıaldar tárkilendi. Atalǵan jaıt boıynsha QR QK-niń 194-shi «Bopsalaýshylyq» babymen qylmystyq is qozǵaldy. Sotqa deıingi tergeý jumystary júrýde.

Internet jelisin paıdalanyp bopsalaýshylardyń arasynda tek er adamdar ǵana emes, názik jandylar da kezdesken. Shymkent qalasynyń 57-jastaǵy turǵyny tanystarynyń biriniń áshkereleýshi málimetterdi áleýmettik jelilerge júkteımin degen jeleýmen 100 myń AQSh dollaryn talap etkenin málimdegen.

Atalǵan jaıt boıynsha da qylmystyq is qozǵalyp, jedel-izdestirý is-sharalary barysynda polıtseıler Shymkent qalasynyń turǵyny 1987 jylǵy azamatshany aqsha alý kezinde qolǵa túsirdi. Qazirgi tańda sotqa deıingi tergeý amaldary júrgizilýde.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT