+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

OQO-da 67 úıdiń aýlasyn sý aldy

2017 jylǵy 20 aqpan 18:26
Bólisińiz:
OQO-da 67 úıdiń  aýlasyn sý aldy

ShYMKENT. QazAqparat - Ońtústik Qazaqstan oblysynda tórt kún tolassyz jaýǵan jańbyrdan úılerdiń aýlasyn sý aldy. Tabıǵı apat saldarynan Maqtaral aýdany kóp zardap shekken. Bul týraly óńirdiń TJD basshylyǵy málimdedi, -dep habarlaıdy QazAqparat HAA tilshisi.

Oblystyq TJD bastyǵy Nurbolat Derbisovtiń sózinshe, nóser jańbyrdan úılerdi sý alý jaǵdaılary tirkelmegen. Aryq-atyzdardan sý tasyp, aýlalardy alyp ketipti.

«16-19 aqpan aralyǵynda jaýyn qatty jaýyp, arty qarǵa ulasty. Saldarynan 67 úıdiń aýlasyna sý kirgen. Shymkent qalasynda -18, Saryaǵash aýdanynda - 9, Saıram aýdanynda - 3, Túrkistan qalasy, Báıdibek, Ordabasy, Arys, Shardara, Qazyǵurt aýdanynda - 7 jaǵdaı oryn aldy. Departamentpen jáne jergilikti atqarýshy organdarmen birlese der kezinde sý basqan oryndarǵa avarııalyq qutqarý jumystaryn júrgizip, motopompalarmen sýlar sorǵyzyldy»,- deıdi N.Derbisov.

Al Maqtaral aýdanynda 42 úıdiń aýlasyn sý basqan. Bul aýdanda sý sorý jumystary Atakent, Asyq ata, Yrysty jáne Jetisaı qalasynda júrgizilgen. 82 adam men 24 tehnıka jumyldyrylyp, 12 629 kýbtan asa sý alynǵan. Qazirgi tańda jaǵdaı qalypty.

Jalpy sala mamandary bıylǵy jyly jaýyn-shashynnyń aldyn alý jumystary júrgizilgenin aıtady. Barlyq qala-aýdan ákimdikterine tótenshe jaǵdaılardyń aldyn alý boıynsha naqty tapsyrmalar berilipti. Al tótenshe jaǵdaılar departamentinde arnaıy shtab qurylyp, qazir kúsheıtilgen rejımde jumys isteýde eken.

«Keshegi jańbyrdyń aldyn alý maqsatynda barlyq baǵyttarda jumystar júrgizildi. Tapsyrmalar berildi. Barlyq aryqtardy, ózenderdiń boılaryn, ırragatsııalyq júıelerdiń barlyǵyn tazartý, onyń aldyn alý boıynsha barlyq kúsh quraldary toptastyryldy», - dedi oblystyq TJD bastyǵy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT