ÓKM operatorynyń qarajaty avtonesıe men áleýmettik jobalarǵa jiberildi – Bas prokýror
2022 jylǵy 14 mamyr 15:19

ÓKM operatorynyń qarajaty avtonesıe men áleýmettik jobalarǵa jiberildi – Bas prokýror

NUR-SULTAN. QazAqparat – QR Bas prokýratýrasy men Sybaılas jemqorlyqqa qarsy qyzmet «ÓKM operatory» shotyna salynǵan shekteýlerdi alyp tastady, dep habarlaıdy QazAqparat tilshisi.

Bul týraly QR Bas prokýrory Berik Asylov óziniń Twitter paraqshasynda jazdy.

«Sybaılas jemqorlyqqa qarsy qyzmetpen birlesip qabyldanǵan sharalar arqyly «ÓKM operatory» JShS-niń 198 mlrd teńgesi bar shotyna salynǵan shekteýler alyndy. Úkimet odan 100 mlrd teńgeni jeńildetilgen avtonesıege, qalǵan qarjyny basqa áleýmettik jobalarǵa baǵyttady», - dep jazdy Bas prokýror.

Aıta keteıik, 11 qańtarda Prezıdent Úkimetke «ÓKM operatory» uıymynyń ýtıldik alym jınaýyna tyıym salýyn tapsyrǵan edi.

19 qańtar kúni «ÓKM operatory» JShS-ne ýtılızatsııalyq alym jınaýǵa tyıym salyndy. Ýtılızatsııalyq alym qarajaty esebinen qurylǵan aktıvter memleket menshigine berildi.

Budan bylaı kádege jaratý alymyn jınap, úılestirý «Jasyl damý» aktsıonerlik qoǵamynyń quzyrynda bolady.

Al, qańtardyń sońynda QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov pen «ÓKM operatory» JShS Basqarma tóraǵasy Medet Qumarǵalıev ustaldy .

Olarǵa kólik quraldaryn kádege jaratýdyń joǵary qunyn belgilep, kásiporynnyń 20 mlrd teńgeden astam qarajatyn jymqyrdy degen aıyp taǵyldy.


Seriktester jańalyqtary

Jańalyqtar

Úrdis

MURAǴAT