«ÓKM Operatory» JShS basshysy men QR Ekologııa vıtse-mınıstri qamaýǵa alyndy
2022 jylǵy 26 qańtar 11:22

«ÓKM Operatory» JShS basshysy men QR Ekologııa vıtse-mınıstri qamaýǵa alyndy

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov pen «ÓKM Operatory» JShS Basqarma tóraǵasy Medet Qumarǵalıevtyń ustalǵanyn rastady, dep habarlaıdy QazAqparat.

«Olar sybaılas jemqorlyq qylmys jasady degen kúdikke ilindi. Ekeýi de Nur-Sultan qalasynyń ýaqytsha ustaý ızolıatoryna qamaldy», - dedi agenttikten.

Eske sala keteıik, 2022 jylǵy 11 qańtarda Qazaqstan Respýblıkasy Parlamenti Májilisiniń otyrysynda sóılegen sózinde Memleket basshysy Qasym-Jomart Toqaev «ÓKM Operatory» JShS-niń kádege jaratý alymyn júrgizý jáne kádege jaratý alymyna ıelik etýin toqtatý týraly tapsyrma berdi.

Sonyń aıasynda 2022 jylǵy 18 qańtarda QR Úkimeti «QR Ekologııa, geologııa jáne tabıǵı resýrstar mınıstrligine vedomstvolyq baǵynysty uıymdardyń keıbir máseleleri týraly» qaýly qabyldady. Osyǵan baılanysty óndirýshilerdiń (ımporttaýshylardyń) keńeıtilgen mindettemeleriniń operatory bolyp memlekettik uıym retinde «Jasyl damý» aktsıonerlik qoǵamy aıqyndaldy.


Jańalyqtar

MURAǴAT