+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Odıl Reno-Basso Qazaqstan Úkimetin halyqtyń tehnıkalyq saýatyn arttyrýǵa shaqyrdy

2021 jylǵy 10 maýsym 16:35
Bólisińiz:
Odıl Reno-Basso Qazaqstan Úkimetin halyqtyń tehnıkalyq saýatyn arttyrýǵa shaqyrdy

NUR-SULTAN. QazAqparat – Qazaqstannyń Elektrondy Úkimet portaly saladaǵy jetekshi júıelerdiń biri bolyp sanalady. Prezıdent Qasym-Jomart Toqaevtyń tóraǵalyǵymen ótip jatqan Sheteldik ınvestorlar keńesiniń 33-jalpy otyrysynda - Eýropalyq qaıta qurý jáne damý bankiniń prezıdenti Odıl Reno-Basso osyndaı pikir bildirdi, dep habarlaıdy QazAqparat tilshisi.

Uqsas jańalyqtar
Baǵdat Mýsın EGOV satylady degen qaýesetke qatysty túsinikteme berdi Depýtat Sberbankpen tsıfrlyq úkimet platformasyn qurý týraly kelisimge alańdaýshylyq tanytty Qazaqstandyqtar memlekettik qyzmettiń sapasyna qanshalyqty baǵa beredi

«Prezıdent myrza men Úkimetterińizdiń kúsh salýynyń arqasynda Pandemııa kezinde kóptegen oń nátıjelerge qol jetkize aldyq. Biraq, biz áldeqaıda sapaly ekonomıkalyq nátıjelerge, ekonomıkanyń neǵurlym básekege qabiletti salalaryna baǵdarlanýymyz kerek. Bul jeke sektorǵa ózgeristerdiń kezeńinde qozǵaýshy kúsh bolýǵa múmkindik bolar edi», - dedi Odıl Reno-Basso.

Eýropalyq qaıta qurý jáne damý bankiniń prezıdenti qazirgi kezeń jeke sektor úshin úlken múmkindikter kezeńi bolyp otyrǵanyna nazar aýdartty.

«Negizgi eki baǵyt bar – tsıfrlaný jáne ınnovatsııa, sondaı-aq, ekologızatsııa. Tsıfrlandyrýǵa kelsek, kóptegen oń nátıjelerge qol jetkizildi. Sizderdiń Elektrondy Úkimet portaldaryńyz jetekshi júıelerdiń biri retinde atalady. Biraq, sonymen birge tsıfrlyq sektorǵa jeke sektordyń ınvestıtsııa salýy jaqsarý kerek. Bul eksport kólemin ulǵaıtý baǵytynda bolýy kerek. Osyny qamtamasyz etý úshin Úkimetti ekojúıeni nyǵaıtýǵa shaqyrar edim. Bárinen buryn halyqtyń barlyq sanatynyń, oqýshydan bastap eresekterge deıin, tehnıkalyq saýattylyǵyn arttyrýǵa barynsha resýrs salý kerek. Bul sizderdiń ІT jáne shyǵarmashylyq salalardy damytyp, jergilikti aıaqtan turǵan eksporttaýshylardyń básekedegi artyqshylyǵyn arttyrady», - dedi EQDB basshysy.

Sondaı-aq, ol Qazaqstanda ınnovatsııa men bızneske múmkindikter ashatyn tsırflyq platformalar qalyptasa bastaǵanyn atady.

«Mysaly, Eýropa qaıta qurý jáne damý banki Almaty qalasynyń tsıfrlyq syńaryn jasap jatyr. Bul joba adamdardyń ómirin jaqsartyp, ınvestıtsııa tartýǵa kómektesedi», - dedi Odıl Reno-Basso.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT