Oblys turǵyndaryna Almatydan kredıttik baspana berile me
2022 jylǵy 29 naýryz 23:56

Oblys turǵyndaryna Almatydan kredıttik baspana berile me

ALMATY. QazAqparat- Almaty qalasy ákimdigi Almaty oblysy turǵyndarynyń nesıege beriletin turǵyn úıdi brondaýyna qatysty túsinikteme berdi, dep habarlaıdy QazAqparat tilshisi.

«Otbasy bank» AQ uıymdastyrýymen «Nurly jer» memlekettik baǵdarlamasy aıasynda «Shańyraq» baǵyty boıynsha Almaty qalasy ákimdiginiń nesıe turǵyn úıine kezekte turǵandar baspanany brondady.

Sonymen qatar banktiń ákimdikke usynǵan tizimine Almaty oblysynyń (Qarasaı, Talǵar, Іle, Eńbekshiqazaq, Jambyl aýdandarynyń bólikteri, sondaı-aq Qapshaǵaı ákimshiliginiń aýmaǵy – 150-den astam eldimeken) turǵyndary da enip ketken.

Almatydaǵy nesıege beriletin turǵyn úıdi («Nurly dala» TK jáne Naýryzbaı aýdanyndaǵy «Alma Sıtı 5» TK, Alataý aýdanyndaǵy «Mádenıet» shaǵynaýdany) Almaty qalasynyń jaıly qalalyq orta basqarmasy salǵan jáne ol zańnamaǵa sáıkes tek Almaty qalasynda kezekte turǵandarǵa arnalǵan.

«2021 jylǵy 28 qazanda Indýstrııa jáne ınfraqurylymdyq damý mınıstrligine atalǵan azamattardyń Almaty qalasy ákimdiginiń nesıelik turǵyn úı satyp alý zańdylyǵyn túsindirý jóninde suraý salǵan bolatyn. Mınıstrliktegiler kezekte turǵandar nesıelik turǵyn úıdi tirkelgen jeri boıynsha ǵana ala alatynyn rastady. «Turǵyn úı qatynastary týraly» Qazaqstan Respýblıkasy Zańynyń 67-babyna sáıkes kommýnaldyq turǵyn úı qorynan turǵyn úı osy eldimekende esepte turǵan azamattarǵa ǵana paıdalanýǵa beriledi», - delingen qala ákimdiginiń bapsasóz habarlamasynda.

Búginde Almaty qalasy ákimdiginiń nesıege beriletin turǵyn úı kezeginde 33 059 adam tur.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT