+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

OANA aqparat agenttikteri Koreı túbeginde beıbitshilik ornatýǵa kómektesýde – Mýn Chje In

2019 jylǵy 7 qarasha 16:20
Bólisińiz:
OANA aqparat agenttikteri Koreı túbeginde beıbitshilik ornatýǵa kómektesýde – Mýn Chje In

SEÝL. QazAqparat – Koreıa Respýblıkasynyń Prezıdenti Mýn Chje In búgin Azııa-Tynyq muhıt óńirindegi basty aqparat agenttikteriniń basshylaryn qabyldady, dep habarlaıdy «QazAqparat» HAA Yonhap agenttigine silteme jasap.

Seýlde OANA (Azııa-Tynyq muhıt óńiriniń Jańalyq agenttikteri uıymy) Bas Assambleıasynyń 17-otyrysy ótip jatyr. Soǵan qatysý úshin Ońtústik Koreıa astanasyna barǵan 28 eldiń 32 aqparat agenttiginiń ókilderimen kezdesýde Koreıa Respýblıkasynyń basshysy Koreı túbegindegi beıbitshilikke turaqty túrde kóńil bólip, úzbeı qoldap otyrǵany úshin rızashylyq bildirdi.

Mýn Chje In osy aqparat agenttikteri 2018 jylǵy qysqy Olımpıada oıyndarynan beri beıbitshilik protsesterinen keńinen habar taratyp kele jatqanyn, Koreıa Respýblıkasy men KHDR basshylary sammıtiniń úsh raýndyna da, AQSh Prezıdenti Donald Tramptyń Koreı túbegine jasaǵan saparyna, taǵy basqa da is-sharalarǵa arnalǵan materıaldaryn jarııalap otyrǵanyn atap kórsetti.

«Sizderdiń nazarlaryńyz ben qoldaýlaryńyz álemniń jańa tarıhyn jazýymyzǵa septigin tıgizedi dep sanaımyn», - dedi Prezıdent Mýn.

OANA Prezıdenti ári Ázerbaıjannyń «AzerTAdj» memlekettik aqparat agenttiginiń bas dırektory Aslan Aslanov óz kezeginde uıymnyń 17-otyrysy jýrnalıstıkadaǵy jańa syn-tegeýrinderge, osy saladaǵy tehnologııalyq ınnovatsııalarǵa arnalǵanyn tilge tıek etti. Onyń aıtýynsha, osy máseleni ІT salasynyń lıderi atanǵan Ońtústik Koreıada talqylaýdyń qısyny bar.

Aslanov Koreıa Respýblıkasy basshysynyń Koreı túbeginde beıbitshilik ornatýyna tileýlestik bildirip, halyqaralyq beıbitshilikke qol jetkizý OANA uıymynyń basty mindetteriniń biri ekendigin aıtty.

Juma kúni OANA tóraǵalyǵy resmı túrde Koreıanyń Yonhap jańalyq agenttigine kóshetinin aıta ketken jón. Agenttik aldaǵy úsh jylda osy uıymǵa tóraǵa bolady.

OANA Bas Assambleıasynyń 17-otyrysyna Yonhap basshylyǵynan tys, Xinhua, Kyodo, TASS jáne «QazAqparat» HAA sııaqty aqparat agenttikteriniń ókilderi de kelgen.

Eske salaıyq, Koreıa Respýblıkasynyń Prezıdenti Mýn Chje In bıyl 21-23 sáýir kúnderi strategııalyq dıalogty odan ári damytý maqsatymen memlekettik saparmen Qazaqstanǵa kelgen edi. Mýn Chje In Nur-Sultanda Memleket basshysy Qasym-Jomart Toqaevpen, QR Tuńǵysh Prezıdenti – Elbasy Nursultan Nazarbaevpen kezdesip, Qazaqstan-Ońtústik Koreıa bıznes-forýmyna qatysqan. Forýmda medıtsına, mashına jasaý, azyq-túlik ónerkásibi, ınfraqurylym, taǵy basqa salalarda 30-dan astam qujatqa qol qoıyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT