+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Nyǵmatýlın TúrkPA-nyń otyrysy aıasynda birqatar ekijaqty kezdesýler ótkizdi

2021 jylǵy 28 qyrkúıek 10:35
Bólisińiz:
Nyǵmatýlın TúrkPA-nyń otyrysy aıasynda birqatar ekijaqty kezdesýler ótkizdi

NUR-SULTAN. QazAqparat - Májilis Tóraǵasy Nurlan Nyǵmatýlın Túrkistan qalasynda ótip jatqan Túrkitildes memleketter Parlamenttik Assambleıasynyń H plenarlyq otyrysy aıasynda Vengrııa, Qyrǵyzstan parlamentteri sondaı-aq Qara teńiz ekonomıkalyq yntymaqtastyq Parlamenttik Assambleıasy delegatsııalarynyń basshylarymen kelissózder júrgizdi.

Uqsas jańalyqtar

Nurlan Nyǵmatýlın túrki áleminiń rýhanı astanasy – Túrkistan qalasynda TúrkPA-nyń mereıtoılyq H plenarlyq sessııasyn ótkizýdiń mańyzdylyǵy men sımvoldyq mánin atap ótip, qalanyń qazirgi jandanýy jáne jańarýy Qazaqstannyń Tuńǵysh Prezıdenti-Elbasy, Túrki keńesiniń qurmetti tóraǵasy Nursultan Nazarbaevtyń bastamasy boıynsha júrip jatqanyn atap ótti.

Májilis Spıkeri otyrysta qabyldanǵan sheshimder parlamentaralyq ózara is-qımyldy nyǵaıtýǵa, sondaı-aq elder arasyndaǵy jan-jaqty yntymaqtastyqty damytýǵa yqpal etetinine senim bildirdi.

- Bıyl Qazaqstan men Qyrǵyzstan Táýelsizdiginiń 30 jyldyǵy atap ótiledi. Osy ýaqyt ishinde elderimiz aıtarlyqtaı jetistikterge jetti. Bizdiń memleketter basshylarynyń mańyzdy bastamalaryn qoldaý úshin Qazaqstan men Qyrǵyzstan arasyndaǵy dástúrli dostyq jáne tatý kórshilik qatynastar, onyń ishinde parlamentaralyq deńgeıde de odan ári damı beretinine senimdimin, - dedi Nurlan Nyǵmatýlın Qyrǵyz Respýblıkasy Jogorký Keneshiniń Tóraǵasy Talant Mamytovpen kezdesýde.

Halyqaralyq parlamenttik uıymdar sheńberinde parlamentshilerdiń ózara is-qımylyn nyǵaıtý máseleleri TúrkPA-da baqylaýshy mártebesine ıe Majarstan men Qara teńiz ekonomıkalyq yntymaqtastyq Parlamenttik Assambleıasy delegatsııalarynyń basshylarymen kezdesti.

Bizdiń elderimizdiń basshylary únemi kórsetip otyratyn damý jónindegi ortaq kózqarastardy Qazaqstan men Majarstan parlamentshileri de ustanady, - dep atap ótti Nurlan Nyǵmatýlın Majarstan Memlekettik jınalysynyń birinshi vıtse-spıkeri Marta Matraımen kezdesýde.

Modeldik zań shyǵarý bazasyn qalyptastyrý, parlamenttik dıplomatııany nyǵaıtý tetikterine degen qyzyǵýshylyq Qara teńiz ekonomıkalyq yntymaqtastyq Parlamenttik Assambleıasy Bas hatshysy Asaf Gadjıevpen kelissózder barysynda atap ótildi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT