+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Nyǵmatýlın Qazaqstan men Chehııa arasyndaǵy parlamentaralyq yntymaqtastyqty nyǵaıtýǵa mán berdi

2019 jylǵy 17 qazan 12:21
Bólisińiz:
Nyǵmatýlın Qazaqstan men Chehııa arasyndaǵy parlamentaralyq yntymaqtastyqty nyǵaıtýǵa mán berdi

NUR-SULTAN. QazAqparat - Májilis tóraǵasy Nurlan Nyǵmatýlın men Qazaqstanǵa resmı saparmen kelgen Chehııa Parlamenti depýtattar Palatasynyń spıkeri Radek Vondrachek eki eldiń parlamentshileri arasyndaǵy yntymaqtastyqty nyǵaıtý máselelerin talqylady, dep habarlaıdy QazAqparat.

Chehııa Ortalyq jáne Shyǵys Eýropa elderiniń arasyndaǵy Qazaqstannyń negizgi saıası jáne ekonomıkalyq seriktesteriniń biri bolyp tabylatynyn aıtqan Nurlan Nyǵmatýlın Qazaqstan basshylyǵy Chehııa elimen qarym-qatynasty tereńdetýge erekshe mán beretinin atap ótti.

Májilis tóraǵasynyń pikirinshe, ekijaqty yntymaqtastyqty damytýǵa densaýlyq saqtaý, mashına jasaý, agroónerkásiptik tehnologııalar, «jasyl» energetıka sııaqty áleýetti salalardyń mańyzy zor.

Ekijaqty qatynastardyń mańyzdy quramdas bóligi retinde parlamentaralyq yntymaqtastyq týraly aıtqan Nurlan Nyǵmatýlın qazaqstandyq parlamentshilerdiń cheh áriptesterimen dıalogty nyǵaıtýǵa nıetti ekenin jetkizdi. Májilis tóraǵasy tıisti komıtetter men yntymaqtastyq toptarynyń birlesken jumysy zańnamalyq tájirıbe almasýǵa, eń aldymen áleýmettik saıasat jáne bilim, sondaı-aq ekonomıkanyń ınnovatsııalyq damýy men tsıfrlandyrylýyna múmkindik beretinine toqtaldy.

Óz kezeginde Radek Vondrachek Qazaqstan men Chehııa arasyndaǵy baılanystyń deńgeıin joǵary baǵalady.

Nurlan Nyǵmatýlın Chehııa Parlamenti depýtattar Palatasy spıkeriniń sapary uzaq merzimdi jáne ózara tıimdi yntymaqtastyqty jan-jaqty tereńdetýge mańyzdy serpin beretinine senim bildirdi.

Kezdesý sońynda Májilis tóraǵasy óziniń áriptesin 28 qazanda Chehııada atap ótiletin Memlekettilik kúnimen quttyqtap, dostas eldiń gúldenýi men órkendeýine tilektestik bildirdi.

Bizdiń kanalymyzǵa jazylyńyz:

Basty sózder: Eýropa, Parlament,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT