+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Nurtóre Júsip Qazaqstan Medıa alıansynyń jańa jetekshisi boldy

2020 jylǵy 28 qazan 20:28
Bólisińiz:
Nurtóre Júsip Qazaqstan Medıa alıansynyń jańa jetekshisi boldy

NUR-SULTAN. QazAqparat - Nurtóre Júsip Qazaqstan Medıa alıansynyń Basqarma tóraǵasy bolyp saılandy, dep habarlaıdy QazAqparat alıanstyń saıtyna silteme jasap.

Keshe «Qazaqstan Medıa alıansy» qoǵamdyq birlestiginiń quryltaıshylar jınalysynda Basqarma tóraǵasy aýysty. Burynǵy jetekshi Armanjan Baıtasov bul qyzmetti úsh jyl atqardy.

«Jańa jetekshiniń kandıdatýrasyn QMA birinshi sezinde-aq talqylaǵan bolatynbyz, jańa tóraǵa – Nurtóre Júsip», – dedi A.Baıtasov.

Jınalysqa qatysqan quryltaıshylar Armanjan Baıtasovtyń bastamasymen daýys berýge qatysty. Qalys qalǵan Mıhaıl Dorofeevten basqasy QMA jańa Basqarma tóraǵasynyń kandıdatýrasyn qoldap daýys berdi.

Nurtóre Júsip qazirgi kezde QR Parlamenti Senatynyń depýtaty.

Nurtóre Baıtilesuly 1961 jyly 29 sáýirde Qyzylorda oblysynyń Shıeli aýdanyndaǵy Kerdeli kentinde dúnıege kelgen. Ákesi – Baıtiles Júsipov, anasy –Rábıǵa Baıdildaeva. 1984 jyly Kırov atyndaǵy Qazaq memlekettik ýnıversıtetiniń jýrnalıstıka fakýltetin bitirgen.

2017 jyldan bastap Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń múshesi.

«Biz kimnen azbyz?» (2001), «Qazaq qyzy» (2004), «Eles pen beles» (2006), «Myń qumyrsqa jáne biz» kitaptarynyń avtory.

Eńbek jolyn Pavlodar oblystyq «Saryarqa samaly» gazetinde agroónerkásip bóliminen bastady. Bul gazette Kólik jáne kommýnıkatsııa bóliminiń meńgerýshisi, bas redaktordyń orynbasary bolyp jumys istedi. 1990-1996 jyldary – «Egemen Qazaqstan» respýblıkalyq gazetiniń aǵa tilshisi, bas redaktorynyń ekonomıkalyq máseleler jónindegi orynbasary. 1996-2002 jyldary – «Jas Alash», «Aq jol Qazaqstan», «Egemen Qazaqstan», «Astana aqshamy» gazetteriniń bas redaktory.

2008-2019 jyldary – «AIQYN» respýblıkalyq qoǵamdyq-saıası kúndelikti gazetiniń bas redaktory.

2019 jyly 12 tamyzda QR Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndaldy.

«Qazaqstannyń eńbek sińirgen qaıratkeri» qurmetti ataǵynyń ıesi; Qazaqstan Respýblıkasy Jýrnalıster akademııasynyń akademıgi; Qazaqstan Respýblıkasy Gýmanıtarlyq ǵylymdar akademııasynyń akademıgi; Qazaqstannyń qurmetti jýrnalısi, Qazaqstan Jýrnalıster odaǵy B. Bulqyshev atyndaǵy syılyqtyń laýreaty, Qazaqstan Jýrnalıster odaǵy S. Sádýaqasov atyndaǵy syılyqtyń laýreaty; Buqaralyq aqparat quraldary salasyndaǵy Prezıdent syılyǵynyń laýreaty; «Altyn adam» ulttyq syılyǵynyń laýreaty – Jyl adamy;

Qazaqstan Jýrnalıster Odaǵy «Altyn Juldyz» syılyǵy, «Qazaqstan Respýblıkasynyń Táýelsizdigine 10 jyl» medali, «Qazaqstan Respýblıkasynyń Konstıtýtsııasyna 10 jyl» medali, Qazaq jýrnalıstıkasyna sińirgen eńbegi jáne belsendi qoǵamdyq qyzmeti úshin Qurmet ordeni; «Til janashyry» medalimen marapattalǵan.

Shıeli aýdanynyń jáne Qyzylorda oblysynyń Qurmetti azamaty.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT