+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Nursultan Nazarbaevtyń qatysýymen Astana Club plenarlyq otyrysy bastaldy

2019 jylǵy 12 qarasha 10:00
Bólisińiz:
Nursultan Nazarbaevtyń qatysýymen Astana Club plenarlyq otyrysy bastaldy

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaevtyń qatysýymen elordada Astana Club plenarlyq otyrysy bastaldy, dep habarlaıdy QazAqparat.

11-12 qarasha kúnderi «Nazarbaev Ortalyǵynda» álemniń jetekshi dıplomattary men saıasatkerleriniń jáne sarapshylarynyń basyn qosatyn Astana Club besinshi otyrysy ótýde. Mereıtoılyq otyrys taqyryby «Úlken Eýrazııa: jahandyq yntymaqtastyqtyń jańa qurylymy jolynda» dep atalady. Klýbtyń saraptamalyq talqylaýyna AQSh, Qytaı jáne Reseı arasyndaǵy qyrǵı-qabaqtyń ýshyǵýy, saýda protektsıonızmi men popýlıstik kóńil-kúıdiń artýy, sondaı-aq Iran men Soltústik Koreıa tóńireginde jańa shıelenisterdiń boı kórsetýi máseleleri arqaý bolmaq.

Kezekti basqosýǵa álemniń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshysy retinde moıyndalǵan 50-den astam halyqaralyq spıker qatysady. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne Nobel syılyǵynyń laýreaty bar.

Forýmǵa qatysatyn sarapshylardyń geografııasy keń. Atap aıtsaq, AQSh, Ispanııa, Italııa, Reseı, Japonııa, Serbııa, Aýstrııa, Norvegııa, Qytaı, Úndistan, Belgııa, Aýǵanstan, Shvetsııa, Portýgalııa, Ońtústik Koreıa, Egıpet, Bangladesh, Slovenııa, Qyrǵyzstan, Iran, Ulybrıtanııa, Pákistan elderi bar.

«Astana klýby» otyrystarynyń bir bóligi «Chatham house» erejelerine saı ótedi. Bul degenimiz talqylaý jabyq sıpatta ótedi jáne Eýrazııa men álemniń eń ózekti máseleleriniń ótkir ári ashyq talqylanýyna múmkindik beredi.

Buǵan deıin Astana Club sarapshylary Eýrazııanyń basty 10 syn-qaterin jarııalaǵan edi.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT