+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Nursultan Nazarbaevtyń «Beıbitshilik kindigi» kitaby Norvegııada tanystyryldy

2019 jylǵy 22 qarasha 10:03
Bólisińiz:
Nursultan Nazarbaevtyń «Beıbitshilik kindigi» kitaby Norvegııada tanystyryldy

OSLO. QazAqparat – Norvegııa astanasy Osloda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Beıbitshilik kindigi» atty kitaby tanystyryldy, dep habarlaıdy «QazAqparat» HAA tilshisi.

Tuńǵysh Prezıdent kúnine arnalǵan sharaǵa memlekettik organdardyń ókilderi, sarapshylar, ıadrolyq qarýǵa qarsy qozǵalys belsendileri, dinı qaıratkerler, dıplomatııalyq korpýs ókilderi qatysty.

Sharany Qazaqstannyń Norvegııadaǵy Elshisi Erkin Aqynjanov ashyp, Semeı polıgonynyń jabylǵany, jappaı qyryp-joıý qarýynan bas tartý protsesi Elbasy Nursultan Nazarbaevtyń murasy ekendigin tilge tıek etti.

Bıyl Keńes odaǵy Semeı túbinde alǵash ret atom bombasyn synaqtan ótkizgenine 70 jyl toldy. Polıgon QR Prezıdentiniń 1991 jylǵy 29 tamyzdaǵy Jarlyǵymen jabyldy.

Norvegııanyń belgili saıasatkeri, eldiń burynǵy premer-mınıstri Kel Magne Bondevıktiń aıtýynsha, Qazaqstan jáne Nursultan Nazarbaev ıadrolyq qarý asa aýyr zardaptarǵa ákep soqtyratynyn jete túsinedi ári «Beıbitshilik kindigi» eńbeginde onyń sebepteri tolyq ashyp kórsetilgen.


Qazaqstandyq sýretshi, ıadrolyq qarýǵa qarsy halyqaralyq qozǵalystyń belsendi múshesi Káripbek Kúıikov Semeı óńiri turǵyndarynyń tartqan azaby men polıgonnyń qorshaǵan ortaǵa tıgizgen zardaptary jaıly, Qazaqstan halqynyń synaqtardy toqtatý jáne N.Nazarbaevtyń polıgondy jabý týraly sheshimi úshin júrgizgen kúresi týraly áńgimelep berdi. Shara qonaqtaryn «ATOM» jobasyn (www.theATOMProject.org) qoldap, ıadrolyq qarýdan taza álem qurý týraly petıtsııaǵa qol qoıýǵa shaqyrdy.

Tuńǵysh Prezıdent – Elbasy Qorynyń Atqarýshy dırektory Áset Isekeshev, burynǵy Premer-mınıstr Kell Magne Bondevık, Norvegııanyń Syrtqy ister mınıstri Inne Erıksen-Soreıde, NUPI burynǵy dırektory Sverre Lodgard kitaptyń norveg tilindegi basylymyna qatysty alǵy sóz sóıledi.


«Beıbitshilik kindigi» kitabyn norveg tiline saıasattanýshy, halyqaralyq qatynastar mamany, kásibı aýdarmashy Nıkolaı Gerov aýdardy. «Steffen Grafisk Tilrettelegging» baspasynan jaryq kórdi. Eske salsaq, dál osy baspa 2009 jyly Nursultan Nazarbaevtyń «Qazaqstan joly» kitabyn da norveg tilinde shyǵarǵan bolatyn.









Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT