+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Nursultan Nazarbaevqa Túrkistandy odan ári damytý jospary tanystyryldy

2020 jylǵy 28 qyrkúıek 21:22
Bólisińiz:
Nursultan Nazarbaevqa Túrkistandy odan ári damytý jospary tanystyryldy

TÚRKІSTAN. QazAqparat - Elbasy Nursultan Nazarbaev Túrkistan qalasyn odan ári damytý josparymen tanysty, dep habarlaıdy QazAqparat Tuńǵysh Prezıdenttiń resmı saıtyna silteme jasap.

Uqsas jańalyqtar

Málim etilgendeı, Nursultan Nazarbaevqa «Kerýen-saraı» kesheni tanystyrylyp, «Áziret Sultan» qoryq-murajaıy aýmaǵyndaǵy arheologııalyq zertteýlerdiń nátıjeleri týraly málimet berildi. Sondaı-aq Elbasyǵa osy jyldyń tamyz aıynda Qazaqstan Prezıdenti Qasym-Jomart Toqaevtyń hattamalyq tapsyrmalaryn oryndaý aıasynda júzege asyp jatqan basqa da jobalar týraly baıandaldy.

Elbasy týrıstik jáne qala ınfraqurylymy qurylysynyń qarqyny joǵary ekenin atap ótti.

Nursultan Nazarbaev óziniń 2018 jyly qabyldaǵan Túrkistandy qaıta túletý týraly sheshimine Qazaqstan halqy qoldaý bildirgenin aıtty.

«Búgin biz Túrkistannyń jańa nysandarymen tanystyq. Olar búkil Qazaqstan men álemnen týrıst tartatyn, turǵyndardyń nazaryn aýdaratyn kórnekti orynǵa aınalady. Túrkistannyń aýqymdy qurylysy tutas óńirdiń ekonomıkalyq damýyna zor septigin tıgizip otyr», – dedi Qazaqstannyń Tuńǵysh Prezıdenti.

Nursultan Nazarbaev qalanyń ornalasqan jeri, túrki áleminiń mańyzdy rýhanı ortalyqtarynyń biri retindegi onyń mártebesi bolashaqta Ortalyq Azııa elderiniń ıntegratsııasyna qyzmet etetinin atap ótti.

«Túrkistanda Túrkitildes elderdiń sammıtin ótkizýdi josparlaǵan bolatynbyz. Álemdegi kúrdeli ahýalǵa baılanysty ol keıinge shegerildi. Eger bári oıdaǵydaı bolsa, ony Naýryz merekesine qaraı ótkizemiz dep oılaımyn», – dedi Elbasy.

Sondaı-aq shara barysynda týrıstik ınfraqurylym qalyptastyrýdy jáne kólik-logıstıkalyq jobalardy iske asyrýdy jalǵastyrý qajettigi sóz etildi.

Elbasy Túrkistan qalasynyń turǵyndary men qonaqtary úshin jaıly jaǵdaı jasaýdyń mańyzdylyǵyna da toqtaldy.

«Qala ósip, halqynyń sany da arta túsetinine senimdimin. Munda túrli forýmdar men jastar jıyndaryn, sport sharalaryn ótkizip turý qajet. Osylaısha, biz qalany kópshilikke tanystyryp, kórsetýimiz kerek. Túrkistandy qaıta túletýdiń bizdiń halqymyz úshin mańyzy zor», – dedi Qazaqstannyń Tuńǵysh Prezıdenti.

Nursultan Nazarbaev qala men óńirdiń odan ári ósip-órkendeı beretinine senim bildirdi.

Sońynda Elbasy BAQ ókilderine arnalǵan brıfıng ótkizip, «Qazaqstannyń rýhanı astanasynyń» jańa «Vızıt-ortalyǵynda» ornalasqan mýzeıdi aralady.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT