+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Nursultan Nazarbaev japon ımperatorynyń taqqa otyrý rásimine qatysýda

2019 jylǵy 22 qazan 10:17
Bólisińiz:
Nursultan Nazarbaev japon ımperatorynyń taqqa otyrý rásimine qatysýda

TOKIO. QazAqparat - Qazaqstannyń Tuńǵysh Prezıdenti - Elbasy Nursultan Nazarbaev Japonııanyń ımperatory Narýhıtonyń taqqa otyrýyna arnalǵan resmı sharaǵa qatysýda.

Uqsas jańalyqtar
Elbasy Bıbigúl Tólegenovany 90 jasqa tolǵan mereıtoıymen quttyqtady Túrik ǵalymynyń Elbasy týraly kitabynyń tusaýy kesildi Elbasynyń álem tarıhynda qalatyn 10 bastamasy

Elbasyn saltanatty rásimge Japonııa Premer-Mınıstri Sındzo Abe arnaıy shaqyrǵan bolatyn, dep habarlaıdy QazAqparat tilshisi.

177 eldiń delegatsııasy qatysyp jatqan saltanatty shara Imperator saraıynyń «Matsu-no-Ma» memlekettik zalynda ótýde. Zalǵa aldymen ımperator Narýhıto kirip, taqqa otyrdy. Іle-shala onyń jubaıy patshaıym Masako zalǵa ótip ornyna jaıǵasqannan keıin mártebeli meımandar oryndarynan turyp, ımperatorǵa qurmet kórsetti.

Qazirgi ýaqytta ımperator Narýhıto halqyna jáne barsha álemge óziniń taqqa otyrǵandyǵyn jarııalaýda. Joldaý aıaqtalǵannan keıin japon halqy atynan sóz sóıleıtin Japonııa Premer-Mınıstri Sındzo Abe: «Go-sokýı o sıýký-sıte tenno heıka bandzaı!» (Taqqa otyrý qurmetine oraı, Uly mártebeli ımperator jasasyn!) dep quttyqtamaq.

Saltanatty rásimge Narýhıto tek ımperatorǵa ǵana arnalǵan «gosokutai» dep atalatyn dástúrli kıim kıip kelgen. Oń qolyna ulylyq nyshany sanalatyn «onshaku» (aǵash asataıaq) ustaǵan. Imperatordyń taqqa otyrý saltanatynyń ulylyǵyn qylysh, sadaq, qoramsa, aıbalta jáne qalqannan turatyn saltanatty zattar bildiredi.

Jalpy ımperator Narýhıtonyń taqqa otyrýyna arnalǵan saltanatty sharaǵa Shvetsııa, Esvatını, Lesoto, Kambodja, Býtan, Tongo, Nıderlandy, Ispanııa, Belgııa, Malaızııa korolderi, Túrikmenstan, Qyrǵyzstan, Togo, Nıger, Fınlıandııa, Vengrııa, Kenııa, Bangladesh syndy elderdiń Prezıdentteri kelgen.

Esterińizge sala keteıik, Japonııa úkimeti 2019 jyldyń 1 mamyrynda jańa ımperııalyq kezeńniń bastalǵanyn jarııalady. Bul kezeń «Reıv» dáýiri dep atalady - bul ataý qazaq tilinde aýdarǵanda «tártip», «úılesim» jáne «gúldengen álem» degen maǵyna beredi. Qazirgi «Heıseı» dep atalatyn dáýirdiń ataýy qytaı ádebıetinen alynǵan bolatyn, ol «álem jetistigi» degen maǵyna beredi. Ol dáýir 1989 jyldyń qańtarynda, Hırohıto ımperator qaıtys bolǵan kezde bastalǵan edi. Onyń uly Akıhıto Japonııanyń 125-shi ımperatory retinde 30 jylǵa jýyq ýaqyt bılik qurdy. Sóıtip óz erkimen taqtan bas tartty. Ol bul sheshimin jasynyń ulǵaıǵanymen túsindirdi. Hanzada Narýhıto taqqa 1 mamyr kúni otyrdy.

1989 jyldyń 7 qańtarynda Japonııanyń murager hanzadasy retinde resmı jarııalanǵan Narýhıtonyń birqatar ulttyq jáne sheteldik nagradasy, sonymen qatar Oksford ýnıversıtetiniń doktory syndy qurmetti ataqtary bar. Ol sý ekojúıesiniń problemalaryna aıryqsha nazar aýdaryp, sý resýrstary men sanıtarııa problemalaryna arnalǵan halyqaralyq ǵylymı forýmdarda jıi baıandama jasaǵan. Japondardyń ortaǵasyrlyq poetıkalyq janry «vaka» dástúrli poezııasymen áýestenip, alt aspabynda oınaıdy.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT