+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Nursultan Nazarbaev Sı Tszınpınge G-20 sammıtine qatysýǵa shaqyrǵany úshin alǵys aıtty

2016 jylǵy 2 qyrkúıek 13:22
Bólisińiz:
Nursultan Nazarbaev Sı Tszınpınge G-20 sammıtine qatysýǵa shaqyrǵany úshin alǵys aıtty

ASTANA. QazAqparat - QR Prezıdenti Nursultan Nazarbaev Qytaı Halyq Respýblıkasynyń tóraǵasy Sı Tszınpınmen kezdesti.

Bul týraly Aqordanyń baspasóz qyzmetinen habarlady.

Kelissóz barysynda ekijaqty yntymaqtastyqtyń, onyń ishinde saýda-ekonomıka, ınvestıtsııa, kólik-tranzıt, otyn-energetıka, sondaı-aq mádenı-gýmanıtarlyq salalardaǵy ózara is-qımyldy nyǵaıtý perspektıvalarynyń keń aýqymdy máseleleri qaraldy.

Budan bólek, eki memlekettiń basshylary óńirlik jáne halyqaralyq kún tártibindegi birqatar ózekti máseleler jóninde pikir almasty.

Qazaqstan Prezıdenti Nursultan Nazarbaev Sı Tszınpınge jumys saparymen kelýge, sondaı-aq G-20 sammıtine qatysýǵa shaqyrǵany úshin alǵys aıtty.

- Qytaı uıymǵa kúrdeli kezeńde tóraǵa boldy. Sizder ázirlegen kún tártibi damýdyń qazirgi kezeńinde óte ózekti. Búginde G-20-nyń ekonomıkalyq problemalarǵa mán berýi búkil álem úshin mańyzdy mindetterdi sheshýge septigin tıgizetin bolady, - dedi Memleket basshysy.

Nursultan Nazarbaev yntymaqtastyq ornyqqan jyldarda Qazaqstan men Qytaı arasyndaǵy senimniń aıtarlyqtaı nyǵaıa túskenin atap ótti.

- Bizdiń baılanysymyz memleketaralyq qarym-qatynastyń úlgisi bola alady. Strategııalyq seriktestiktiń úlgili modelin quryp, ekonomıkalyq yntymaqtastyqty jańa deńgeıge kóterdik. Qazaqstan men Qytaıdyń úkimetteri qol jetken kelisimder qorytyndysy boıynsha alǵa qoıylǵan mindetterdi oryndaý jumysymen belsene aınalysýda. Bıyl biz Qazaqstan táýelsizdiginiń 25 jyldyǵyn, al kelesi jyly elderimiz arasyndaǵy dıplomatııalyq qarym-qatynastyń 25 jyldyǵyn atap ótetin bolamyz, - dedi Elbasy.

Sı Tszınpın elimizdiń jahandyq dıalogqa eleýli úlesin qosyp kele jatqanyna rızashylyq bildirip, Qazaqstannyń óńirdiń jáne búkil álemniń ekonomıkalyq damýynda mańyzdy ról atqaratynyn atap ótti.

- Byltyr osy ýaqytta Beıjińde bizdiń kezdesýimiz ótip, onyń qorytyndysy boıynsha qarym-qatynastyń jańa kezeńi týraly birlesken deklaratsııaǵa qol qoıylǵan bolatyn. Qazir barlyq saladaǵy ekijaqty seriktestik qarqyn alyp keledi, onyń odan ári damýy jolyndaǵy mindetter aıqyndaldy. Bizdiń qarym-qatynasymyzdyń ornaǵanyna kelesi jyly 25 jyl tolatynyn eskere otyryp, ózara tıimdi seriktestikti odan ári nyǵaıta túsý qajet. Sondaı-aq, birlesken kúsh-jiger arqyly adaldyq, ózara senim, aýyzbirshilik jáne ózara kómek rýhyndaǵy qarym-qatynasty qalyptastyra otyryp, strategııalyq úılesimdi, ózara tıimdi yntymaqtastyqty kúsheıte túsý kerek, - dedi QHR tóraǵasy.

Taraptar aldaǵy sammıt álemdik ekonomıkanyń budan arǵy damý joldaryn aıqyndaýda mańyzdy ról atqaryp, jahandyq ekonomıkalyq ósimniń jańa qozǵaýshy kúshine aınalady dep úmittenetinin bildirdi.

***

Kelissózder qorytyndysy boıynsha tómendegideı qujattarǵa qol qoıyldy:

- 2004 jylǵy 17 mamyrdaǵy Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasynda Qazaqstan-Qytaı yntymaqtastyǵy jónindegi komıtet qurý týraly kelisimge tolyqtyrýlar engizý týraly hattama;

- «Nurly jol» jáne «Jibek jolynyń ekonomıkalyq beldeýi» baǵdarlamalaryn ushtastyrý jónindegi yntymaqtastyq jospary;

- Qazaqstan Respýblıkasy Aýyl sharýashylyǵy mınıstrligi men Qytaı Halyq Respýblıkasynyń Sapany qadaǵalaý, ınspektsııa jáne karantın jónindegi bas basqarmasy arasyndaǵy Qazaqstan Respýblıkasynan Qytaı Halyq Respýblıkasyna eksporttalatyn jylqy tuqymdas janýarlar úshin qoıylatyn karantın jáne densaýlyǵyn qorǵaý talaptary jónindegi hattama;

- Qazaqstan Respýblıkasynyń Aýyl sharýashylyǵy mınıstrligi men Qytaı Halyq Respýblıkasynyń Sapany qadaǵalaý, ınspektsııa jáne karantın bas basqarmasy arasyndaǵy Qazaqstan Respýblıkasynan Qytaı Halyq Respýblıkasyna eksporttalatyn soıa burshaǵy partııalaryna qoıylatyn fıtosanıtarııalyq talaptar jónindegi hattama.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT