+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Nursultan Nazarbaev Premer-Mınıstr Asqar Mamındi qabyldady

2020 jylǵy 10 qańtar 18:10
Bólisińiz:
Nursultan Nazarbaev Premer-Mınıstr Asqar Mamındi qabyldady

NUR-SULTAN. QazAqparat - Qazaqstannyń Tuńǵysh Prezıdenti – Elbasy Nursultan Nazarbaev Premer-Mınıstr Asqar Mamındi qabyldady, dep habarlaıdy QazAqparat Elbasynyń baspasóz qyzmetine silteme jasap.

Kezdesý barysynda Elbasyna Qazaqstandaǵy qazirgi áleýmettik-ekonomıkalyq ahýal jáne halyqtyń ál-aýqatyn arttyrý boıynsha qabyldanǵan sharalar týraly aqparat usynyldy.

Qazaqstannyń Tuńǵysh Prezıdenti Bes ınstıtýtsıonaldyq reformany iske asyrýǵa baǵyttalǵan «100 naqty qadam» Ult jospary tarmaqtaryn sapaly oryndaýdyń mańyzdylyǵyna nazar aýdardy.

– Ekonomıkadaǵy ahýal jaman emes. Qazir «100 naqty qadam» Ult josparyn muqııat júzege asyrý mańyzdy. Oryndalǵan mindetter bar, biraq erekshe mán berýdi qajet etetin oryndalmaǵan tarmaqtar da qalyp otyr, – dedi Nursultan Nazarbaev.

Óz kezeginde Asqar Mamın 2019 jyldyń qorytyndysy boıynsha qol jetkizgen ekonomıkalyq damýdyń negizgi kórsetkishteri jáne ulttyq ekonomıkany odan ári nyǵaıtý jónindegi josparlary týraly málimet berdi.

– El ekonomıkasy turaqty damyp keledi. Biz joǵary ekonomıkalyq kórsetkishterge qol jetkizdik. 2019 jyldyń nátıjesi boıynsha JІÓ ósimi 4,5 paıyzdy qurady. Negizgi draıverler – qurylys, kólik, saýda, baılanys salalary, – dedi Premer-Mınıstr.

A.Mamınnyń baıandamasyna sáıkes qurylys salasynyń damý qarqyny 12,9%, saýda – 7,6%, baılanys – 5,2%, kólik – 5,1%, óńdeý salasy – 4,4%, taý-ken ónerkásibi – 3,7% qurady. Al halyqtyń tabysy 5,5%, negizgi kapıtalǵa ınvestıtsııalar 8,5% ósip, saýda aınalymy 97 mlrd dollardy qurady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT