+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Nursultan Nazarbaev qory jasandy ıntellektige arnalǵan oqytý jobasyn iske qosty

2020 jylǵy 18 qyrkúıek 14:56
Bólisińiz:
Nursultan Nazarbaev qory jasandy ıntellektige arnalǵan oqytý jobasyn iske qosty

NUR-SULTAN. QazAqparat - Qor qoldaý kórsetken lrn.dev (learn development-ázirleýdi úıren) tegin ınternet-platformasy kez-kelgen qoldanýshyǵa baǵdarlamalaý negizderin úırenýge múmkindik beredi, dep habarlaıdy QazAqparat.

Uqsas jańalyqtar
«Oqýǵa qushtar mektep»: Bes jylda mektep kitaphanalaryndaǵy ádebıet jańartylady Úkimetten sapaly bilimdi talap ete bilýimiz kerek - Erbolat Muhamedjan Jańa mamandyqtar atlasy 90% daıyn – Saıasat Nurbek

Joba osylaısha tsıfrlyq ekonomıka salasyndaǵy mamandar jetispeýshiligin sheshýge yqpal etedi.

«Alem» baǵdarlamalaý mektebi ázirlegen platformada saıttar, qosymshalar, túrli kompter oıyndaryn jáne t. b. ázirleýge qajet algorıtmderdi qurýǵa úıretetin sabaqtar ornalasqan.

Platforma eń aldymen mektep oqýshylary men stýdentterge arnalǵan, biraq jańa mamandyqty ıgerýdi josparlaǵandar úshin de paıdasy zor. Oqytýdy baǵdarlamalaýdaǵy negizgi bilimi joq adam da bastaı alady. Belgili bir tapsyrmalardy oryndaý barysynda platforma júıesi tekserý júrgizedi, nátıjeleri paıdalanýshynyń jeke profılinde kórsetiledi.

Nursultan Nazarbaev Qory atqarýshy dırektorynyń orynbasary Álkeı Marǵulan bilim berý platformalaryna arnalǵan jobalardy damytýdyń mańyzdylyǵy týraly aıta kelip: «IT-salasynda óz qabiletin tabysty kórsete bilgen jastardy qoldaý – Nursultan Nazarbaev Qory jumysynyń basym baǵyttarynyń biri. Búginde kóptegen elder halyqty jasandy ıntellekt negizderine úıretýdi qolǵa alǵan. Ómirdiń barlyq salalaryn modernızatsııalaýdyń sáttiligi qazirgi zamanǵy tehnologııalardyń damý deńgeıine, baǵdarlamalaýdaǵy jastardyń bilimine baılanysty. Pandemııa bilim berý salasyndaǵy dıdjıtalızatsııany jandandyrdy. Jáne Irn.dev platformasy daryndy qazaqstandyq jastarǵa baǵdarlamalaýda perspektıvti bilim men daǵdylardy ıgerýge taǵy bir múmkindik beredi», - dedi.

lrn.dev platformasy teorııalyq aqparattan bólek, alǵan bilimin bekitý úshin oıyn strategııalaryn qurý arqyly jasandy ıntellektti baǵdarlamalaýǵa arnalaǵan ai.cup týrnırine qatysýdy usynady. Atalmysh týrnırge qatysqan oqýshylar men stýdentter aqyldy algorıtmder ázirleýde mashyqtana alady.

«Osyndaı jarystardyń belsendi qatysýshylary men júldegerleri elimizdiń tehnologııalyq damýynyń qozǵaýshy kúshine aınalady. Bizdiń maqsatymyz – kadr daıarlaýdyń úzdik jáne qaǵıdatty jańa tásili esebinen otandyq IT-naryǵynyń damýyna serpin berý. lrn.dev – baǵdarlamalaý salasyndaǵy ashyq oqytý platformasy, ony stýdentter, joǵary oqý oryndary, kompanııalar paıdalana alady. Platforma men oqý baǵdarlamasy open source jobasy bolyp tabylady jáne ol GitHub-ta ornalasqan. Bul oqý baǵdarlamasyn jaqsartý úshin barynsha ártúrli quzyrettilikteri bar kontrıbıýtorlardy tartýǵa múmkindik beredi», - dep sanaıdy «Alem» mektebiniń dırektory Dagar Davletov.

Onyń aıtýynsha, Irn.dev platformasynyń basqalardan aıyrmashylyǵy open source-ke (ashyq kod) nazar aýdaratyndyǵynda. Áleýmettik mindetterdi oryndaýǵa arnalǵan joba ár túrli baǵyttaǵy jekelegen ázirleýshilerdiń basyn biriktire alady.

Sonymen qatar, oqytý júıesi project based learning tásildemelerine qurylǵan: oqý grafıgi baǵyttardan, kýrstardan jáne praktıkalyq jobalardan turady. Tájirıbemen naqtylanǵan teorııa jaqsy nátıje beredi. Sondyqtan platforma qoldanbaly baǵdarlamalaýdy úırengisi keletinder úshin qyzyqty bolady.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT