+7 (701) 759 90 19
USD 377.75 EUR 421.27
RUB 6.13 CNY 54.91
Jańalyqtar

Nursultan Nazarbaev qazaqstandyqtardy Táýelsizdik kúnimen quttyqtady

2019 jylǵy 13 jeltoqsan 21:00
Bólisińiz:
Nursultan Nazarbaev qazaqstandyqtardy Táýelsizdik kúnimen quttyqtady

NUR-SULTAN. QazAqparat - Qazaqstannyń Tuńǵysh Prezıdenti – Elbasy Nursultan Nazarbaev Táýelsizdik kúnine arnalǵan merekelik kontsertke qatysty, dep habarlaıdy QazAqparat elbasy.kz/ silteme jasap.

Uqsas jańalyqtar
Nursultan Nazarbaev Premer-Mınıstr Asqar Mamındi qabyldady Elbasy «Qazaq tili» qoǵamynyń prezıdenti Ómirzaq Aıtbaevtyń otbasyna kóńil aıtty Nursultan Nazarbaev QR Tuńǵysh Prezıdenti – Elbasy Keńsesiniń basshylyǵymen keńes ótkizdi

Shara barysynda Elbasy barlyq qazaqstandyqtardy Táýelsizdik kúnimen quttyqtady.

- 1991 jyly 16 jeltoqsanda arnaıy zań qabyldap, búkil álemge Qazaqstannyń táýelsizdigin jarııaladyq. Biz eldigimizdiń jańa dáýiriniń negizin qalap, kýágerleri boldyq. Ata-babalarymyzdyń san ǵasyrlyq armanyn oryndaý mártebesi bizdiń býynǵa buıyrǵanyn maqtan tutamyn, - dedi Qazaqstannyń Tuńǵysh Prezıdenti.

Nursultan Nazarbaev basqa memleketter ǵasyrlar boıy júrip ótken úlken joldy Qazaqstan 28 jyl ishinde ótkergenin atap ótti.

- Halyqtyń birliginiń arqasynda qýatty, táýelsiz jáne gúldengen memleket qurdyq. Osy jolda men sizderdiń árqaısylaryńyzdyń, árbir qazaqstandyqtyń úlken qoldaýyn sezindim. Barshańyzǵa rızashylyǵymdy bildiremin, - dedi Elbasy.

Qazaqstannyń Tuńǵysh Prezıdenti elimizdiń táýelsizdik jyldary qol jetkizgen jetistikteri týraly aıtty.

- Táýelsizdik jyldarynda biz ashyq jáne naryqtyq ekonomıka qurdyq. Qazaqstan ekonomıkanyń kólemi jáne ınvestıtsııalar tartý jaǵynan Ortalyq Azııa óńirinde kósh bastap keledi. Biz geosaıası áleýetimizdi qurlyqtyń shyǵysy men batysyn baılanystyratyn kólik dálizin qurý arqyly iske asyrdyq, - dedi Nursultan Nazarbaev.

Elbasy memleket taǵdyryna degen senim pen jaýapkershilik, halyqtyń erik-jigeri bizdiń ultymyzdy biriktirgenin atap ótti.

- Táýelsizdik - halyqqa qanat bitiretin qundylyq. Mundaı baǵa jetpes baılyq kez kelgen halyqqa buıyra bermeıdi. Oǵan qol jetkizgen kúnniń ózinde de bári birdeı ıgiligin kóre almaýy múmkin. 1991 jyly biz qanatymyzdy keńge jaıyp, jarqyn bolashaqqa qadam bastyq, - dedi Qazaqstannyń Tuńǵysh Prezıdenti.

Nursultan Nazarbaev qazaqstandyqtardyń jas býynyna arnaıy úndeý jasady.

- Biz sender jaqsy ómir súrý úshin barlyq jaǵdaıdy jasadyq. Sondyqtan tek qana alǵa umtylyp, bıik belesterdi baǵyndyryńdar, asqar asýlarǵa talpynyńdar. Eń bastysy – elimizde birlik, beıbitshilik pen kelisimdi saqtaı bilińder. Bul – bizdiń Táýelsizdigimizdiń basty jetistigi jáne aldaǵy jeńisterimizdiń kepili, - dedi Elbasy.

Qazaqstannyń Tuńǵysh Prezıdenti óziniń otyz jyl boıy eldiń jarqyn bolashaǵy úshin qyzmet etý mártebesine ıe bolǵanyn maqtan tutatynyn aıtty.

- Táýelsizdik jyldary memleketimizdiń qol jetkizgen jetistikterin eseleı túsý mańyzdy. Sondyqtan barlyǵymyz Prezıdent Qasym-Jomart Toqaevpen birge bolýymyz kerek. Bizdiń oıymyz da bir, murat-maqsatymyz da ortaq. Ol – Qazaqstannyń Táýelsizdigin nyǵaıtý, - dedi Nursultan Nazarbaev.

Sóz sońynda Elbasy barsha halyqty taǵy da Táýelsizdik kúnimen quttyqtady.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT