+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Nursultan Nazarbaev Eýrazııa medıa forýmyna qatysýshylardy quttyqtady

2021 jylǵy 16 qyrkúıek 11:28
Bólisińiz:
Nursultan Nazarbaev Eýrazııa medıa forýmyna qatysýshylardy quttyqtady

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev XVII Eýrazııalyq medıa forým qatysýshylaryna quttyqtaý lebizin joldady, dep habarlaıdy QazAqparat tilshisi.

Uqsas jańalyqtar

«XVII Eýrazııa medıa forýmynyń qatysýshylary men qonaqtaryn quttyqtaǵanyma qýanyshtymyn. Jyldar boıy forým pikir almasatyn tanymal medıaalańǵa aınaldy. Belgili saıasatkerler, sarapshylar jáne jetekshi buqaralyq aqparat quraldarynyń ókilderi munda álemdik qoǵamdastyq úshin eń ózekti máselelerdi qarastyrady, olardy sheshýdiń jańa joldaryn ázirleıdi», - dep QR Memlekettik hatshysy Qyrymbek Kósherbaev Nursultan Nazarbaevtyń quttyqtaýyn oqyp berdi.

Nursultan Nazarbaev forýmnyń óz tarıhynda alǵash ret onlaın formatta ótip jatqanyn, biraq bul Eýrazııa men álemniń ózekti máseleleriniń mańyzy men keń talqylanýyna esh áser etpeıtinin atap ótti.

«Bıyl Qazaqstan óz Táýelsizdiginiń 30 jyldyǵyn atap ótýde. Biz úlken jáne kúrdeli joldan óttik, onda aıtarlyqtaı barlyǵy moıyndaǵan nátıjelerge qol jetkizdik. Qazir elimizdiń aldynda jańa órshil maqsat tur – 2050 jylǵa qaraı álemniń eń damyǵan 30 memleketiniń qataryna kirý. Árdaıym Qazaqstan qozǵalysynyń negizi – halyqtyń birligi bolǵandyqtan, atalǵan strategııalyq maqsatqa da qol jetkiziledi», - deıdi Elbasy.

Nursultan Nazarbaev qazirgi jahandyq syn-qaterler men pandemııaǵa qarsy kúres jaǵdaıynda uıymshyldyq qaǵıdaty búkil adamzat úshin negiz qalaýshy bolýy keregin aıtty.

«Forýmnyń barlyq qatysýshylaryna jemisti pikirsaıys tileımin. Sizderdiń jumystaryńyz qazirgi álemniń odan ári damýy tek birlik, dıalog jáne ózara qurmet arqyly ǵana múmkin bolatynyn jahannyń uǵynýyna qyzmet etsin», - dedi Elbasy.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT