Nursultan Nazarbaev Dmıtrıı Medvedevpen telefon arqyly sóılesti

NUR-SULTAN. QazAqparat - «Nur Otan» partııasynyń Tóraǵasy Nursultan Nazarbaev «Edınaıa Rossııa» búkilreseılik saıası partııasynyń tóraǵasy, Reseı Federtsııasynyń Qaýipsizdik keńesi tóraǵasynyń orynbasary Dmıtrıı Medvedevpen telefon arqyly sóılesti, dep habarlaıdy QazAqparat elbasy.kz-ke silteme jasap.

Uqsas jańalyqtar

Elbasy Qyrǵyzstan Prezıdenti Sadyr Japarovpen kezdesti

Dmıtrıı Medvedev Elbasyny Qazaqstan Respýblıkasy Parlamenti Májilisi depýtattarynyń kezekti saılaýynda «Nur Otan» partııasynyń aıqyn jeńiske jetýimen quttyqtady. Sondaı-aq ol daýys berý nátıjeleri jalpyulttyq senimdi jáne partııanyń eldi órkendetýge baǵyttalǵan strategııalyq baǵdaryn qoldaıtynyn kórsetkenin atap ótti.

Nursultan Nazarbaev Dmıtrıı Medvedevke jyly lebizderi úshin rızashylyǵyn bildirip, Qazaqstan-Reseı strategııalyq jáne odaqtastyq qatynastarynyń rýhy men mazmunyna saı keletin «Nur Otan» men «Edınaıa Rossııa» partııalarynyń arasyndaǵy yntymaqtastyq joǵary deńgeıde ekenine toqtaldy.

Taraptar aldaǵy ýaqytta da eki eldiń basty partııalary arasyndaǵy ózara is-qımyldy odan ári tereńdetý jáne keńeıtý jóninde pikir bildirdi.